Republic of South Ossetia is located оn the southern slopes of the Main Caucasus Range in the area of 3900 square meters. Тhe capital is the city of Tskhinval.
One-tenth of the surface occupied by the Republic of the foothills.
The rest of the territory - the mountainous terrain height from 850 to 3938 meters above sea level.
The highest point - Mount Halatsa (3938 m).

Республикæ Хуссар Ирыстоны Фæсарæйнаг хъуыддæгты министрады фидиуæн

30 июлы Гуырдзыстоны райдыдтой НАТО æмæ альянсы партнер «Аккаг партнер 2017» иумæйаг, нымæцмæ гæсгæ æртыккаг уæрæхмасштабон æфсæддон ахуыртæ, цыран æнæпрецедентон æгъдауæй уæрæхгонд æрцыд ахуырты цы æфсæддон потенциал цæуы пайдагонд, уый.
Æфсæддон маневрты хайад исынц 3 мины бæрц æфсæддонтæ Гуырдзыстон, АИШ, Стыр Британи, Германи, Турк, Словени, Украина æмæ Сомихæй. Гуырдзыстоны территоримæ æрбакондæуыд фæсарæйнаг уæззау техникæ æмæ авиаци. Ахуырты райдианы церемонийы хайад райста Гуырдзыстонмæ æрцæуæг АИШ-ы вице-президент.
Стыр хъыгзæрдæйæ нысан кæнæм ахæм мадзал уадзыны факт кæй æрцыд 2008 азы августы Гуырдзыстоны хæстон агрессийы 9-æм афæдзы боны агъоммæ. Æвдисæм серьезон тыхстдзинад Гуырдзыстоны милитаризацийы æмвæзад дарддæр кæй фылдæр кæны æмæ паддзахад-агрессорæн кæй ис демонстративон политикон æххуыс АИШ æмæ иуæй-иу æндæр бæстæты æрдыгæй, уый фæдыл.
Нымайæм ацы хъуыддæгтæ провокацион архæйдтытыл, Фæскавказы цы политикон æмæ хæстон баланс æрбиноныг ис, кæцы ифтонг кæны регионалон стабилондзинад æмæ Хуссар Ирыстоны æдасдзинад, уый фехалынмæ здæхт.

Цхинвал, 2017 азы 1 август