21 декабры Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполат райста йæхимæ Æхсæнадæмон цæдис «Уæлахизы бындартæ»-йы Президент Калякин В.В.

Хæларадон ныхасы рæстæджы Валерий Калякин радзырдта, зæгъгæ, Цæдисы архайды сæйраг здæхтытæй иу у «историон зæрдылдарынад бавæрын, сæйраджыдæр та, Стыр Фыдыбæстон хæсты советон адæмы сгуыхтдзинады кой ма ферох кæнын». Уымæй дарддæр ма Калякин банысан кодта, ирæттæ Стыр Фыдыбæстон хæсты канд хайад нæ райстой, фæлæ ма ныууагътой хæсты историйы зынгæ фæд.

Ведомствæйы сæргълæууæг Цхуырбаты Хъасполат банысан кодта организаци «Уæлахизы бындартæ»-йы ахадындзинад нырыккон уавæрты фæсивæды патриотикон хъомылады æмæ ма паддзахадон æмæ æхсæнадон институтты архайды консолидаци фæсивæды патриотикон хъомылады хъуыддаджы.

Ныхасы рæстæджы ма дзырд цыд Хуссар Ирыстоны фæсивæды хайадисты тыххæй организаци «Уæлахизы бындартæ»-йы мадзæлтты.