Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Archive - Feb 2012

February 28th

Республикæ Хуссар Ирыстоны Фæсарæйнаг хъуыддæгты министрады хъусынгæнинаг Сирийы ног Конституцийы проекты фæдыл референдумы тыххæй

2012 азы 26 февралы Сирийы уагъд æрцыдис референдум Сириаг Арабаг Республикæйы (САР) ног Конституцийы проекты фæдыл. Сирийы ног Конституцийы ‘вварс рахæцыдысты 7,5 милуан æмбæстæджы, кæнæ хуыцаубоны референдумы хайад чи райста, уыдоны 89,4%.
Референдумы фæстиуджытæ фенын кодтой уый, сириаг адæм кæй хæцынц хицауады реформæты ‘вварс. Уыцы реформæтæ ахъаз кæндзысты æмбæстæгты бартæ æмæ сæрибардзинадтæ уæрæх кæнынæн æмæ нырыккон демократон паддзахад саразынæн.

February 22nd

Республикæ Хуссар Ирыстон Фæсарæйнаг хъуыддæгты министр Джиоты Мурат йæхимæ райста Республикæ Абхазы Уæлвæткон æмæ æххæстбарджын минæвар Плиты Нодары.

Ныхæсты рæстæджы, кæцыйы ма ноджыдæр хайад райста Республикæ Хуссар Ирыстоны Фæсарæйнаг хъуыддæгты министры хæдивæг Цхуырбаты Казбулат, уынаффæ цыдис хуссарирыстойнаг-абхазаг ахастыты тыххæй. Дыууæ фарсы ‘рдыгæй дæр банысан æрцыдис фæстиуæгджын æмгуыстгæнынад дарддæр дæр уæрæх кæнынмæ тырнындзинад.
Загъд æрцыдис катайдзинад, Абхазы чи ‘рцыдис, Паддзахады сæргълæуæджы амарынмæ уыцы бахъавды фæдыл. Ацы террористон акт цæхгæр æвзæрыл банымайгæйæ, Министр мæсæллæй загъта, йæ хъахъхъæнджытæй чи фæмард сты, уыцы кусджыты хæстæджытæ æмæ æввахс адæмæн.

Цхинвал,
2012 азы 22-æм феврал

February 17th

Республикæ Хуссар Ирыстоны фæсарæйнаг хъуыддæгты министрады комментарий ЕЦПА зымæгон сессийы Г. Вашадзе раныхасы фæдыл

2012 азы 25 январы Страсбургы Евроцæдисы Парламентон Ассамблейы доклад сарæзта Гуырдзыстоны фæсарæйнаг хъуыддæгты министр Г. Вашадзе. Сахатæй фылдæры дæргъы уый ЕЦПА уæнгтæн дзырдта Абхаз æмæ Хуссар Ирыстоны алыварс ситуаци куыд уыны, уый фæдыл.

Гуырдзиаг хицауиуæгад радон хатт спайда кодта бæрзонд дунеон трибунæйы, цæмæй та ногæй фехъусын кодтаит дунеон æмæхсæнадæн, йæхимæ хуыздæр куыд кæсы, ахæм информаци æмæ аххосаг аппæрстаит Хуссар Ирыстон, Абхаз æмæ Уæрæсейы адресмæ.

Республикæ Хуссар Ирыстоны фæсарæйнаг хъуыддæгты министр Джиоты Мураты дзуапп информацион агентад «Рес»-ы фарстæн

Фæстаг бонты та дзыллон информацийы фæрæзтæ ногæй дзурын райдыдтой Гуырдзыстоны хицауиуæгад Хуссар Ирыстоны æмæ Абхазы цæрджытæн афтæхуыйнæг нейтралон паспорттæ дæттыны тыххæй. Хъусын чындæуыдис, зæгъгæ, Абхазы хицауадæн тынг негативон реакци уыдис, Абхазы чи кусынц, уыцы иуæй-иу фæсарæйнаг организацитæм абхазæгты ‘хсæн уыцы паспорттæ парахат кæнынмæ сын цы бахъавдтытæ уыдис, уый тыххæй. «Нейтралон» паспортты фарстайы тыххæй «Рес»-ы агентады уацхæссæг бахатыд Республикæ Хуссар Ирыстоны фæсарæйнаг хъуыддæгты министр Джиоты Муратмæ, цæмæй йын уый тыххæй загътаит йæ хъуыдытæ.

Республикæ Хуссар Ирыстоны фæсарæйнаг хъуыддæгты министрады хъусынгæнинаг Республикæ Хуссар Ирыстоны хæдбардзинады сæраппонд референдум ауадзыныл дыууын азы сæххæсты охыл

2012 азы 19 январы дыууын азы сæххæст Республикæ Хуссар Ирыстоны хæдбардзинады æмæ Уæрæсеимæ баиу уæвыны тыххæй референдум уагъд куы ‘рцыдис, ууыл. Дыууын азы размæ хуссарирыстойнаг адæм сæххæст кодтой ахсджиаг политикон къахдзæф сæ паддзахиуæджы рæзты сæраппонд. Æппæтадæмон хъæлæсæппæрстæй, дунеон нормæтæ æххæст кæнгæйæ, æмæ раздæры ССР цæдисæй дунеон цæстдарджыты хайадистæй уагъд чи æрцыдис, уыцы референдумы адæм бахъахъхъæдтой хæдбар паддзахад саразыны æмæ партнерты стратегион фæдæздæхты сæраппонд сæ бартæ.

Гуырдзыстоны парламент «Националон æдасдзинады концепци» кæй райста, уый фæдыл Республикæ Хуссар Ирыстоны Фæсарæйнаг хъуыддæгты министрады комментарий

2011 азы 23 декабры Гуырдзыстоны парламент сфидар кодта националон æдасдзинады ног концепци. Фæзты кæцыфæнды концепци бакусын æмæ æххæст кæнын, кæй зæгъын æй хъæуы, алы паддзахадæн дæр у йæ суверенон бар. Фæлæ ацы хъуыддаджы гуырдзиаг документ у радон цæстфæливæн пропагандистон архайд, кæцыйы нысан, сæйраджыдæр, у гуырдзиаг хицауиуæгады ныгуылæйнаг аудджыты тыххæй цы ныхæстæ цæуы, уыдон банымæг кæнын æмæ сын сæ интерестæ бахъахъхъæнын.

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

2012 азы 17 февралы Республикæ Хуссар Ирыстоны кусæгон визиты уыдысты Фæскавказы æдасдзинады фæдыл Женевайы дискусситы æмсæрдæрттæ. Делегаци фембæлдис Хуссар Ирыстонæй Женевайы дискусситы хайадисджытимæ.

Фембæлды рæстæджы уынаффæ цыдис 2012 азы 28-29 марты Женевайы чи хъуамæ уа, уыцы радон 19-æм раундмæ цæттæ кæныны фарстатыл. Хуссарирыстойнаг фарсы ‘рдыгæй банысан кодтой Женевайы радон дискусситы куыстмæ цæттæ кæй сты.

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

2012 азы 17 февралы Республикæ Хуссар Ирыстоны Фæсарæйнаг хъуыддæгты Министр Джиоты М.К. йæхимæ райста Приднестроваг Молдоваг Республикæйы Республикæ Хуссар Ирыстоны Минæварады Сæргълæууæг Пухаты А.И.

Ныхасы рæстæджы уынаффæ цыдис хуссарирыстойнаг-приднестроваг æмахастытæ рæзын кæнынимæ баст къорд уæрæх фарстатыл.

February 10th

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг «Дохтыртæ æнæ арæнтæй»-ы делегацийы визиты тыххæй

2012 азы 7-10 февралы Владимир Нейманы сæргълæудæй Республикæ Хуссар Ирыстоны уыдис Мæскуыйы филиалы Дунеон медицинон гуманитарон организации «Дохтыртæ æнæ арæнтæйы»-ы делегаци.Визиты нысан уыдис æмкуысткæнынады Хуссар Ирыстоны программæтæ æххæст кæныны фадаттæ сахуыр кæнын.

9 февралы «Дохтыртæ æнæ арæнтæй»-ы минæвæрттимæ фембæлд Хуссар Ирыстоны Хицауады Сæрдары хæдивæг Хъуылымбегты Доменти.Хуссар Ирыстоны ‘рдыгæй фарсæй ма фембæлды уыдысты Фæсарæйнаг хъуыддæгты министр Джиоты Мурат æмæ æнæниздзинад хъахъхъæныны æмæ социалон рæзты министр Уалыты Ларисæ.

February 3rd

Республикæ Хуссар Ирыстоны Фæрсарайнаг хъуыддæгты министрады пресс-службæйы комментарий АИШ æмæ Гуырдзыстоны президентты фембæлды фæдыл

АИШ æмæ Гуырдзыстоны президентты фембæлды рæстæджы нæм цы информаци цыдис, уымæ гæсгæ, уынаффæ цыд канд Гуырдзыстоны демократи æмæ ирддзинадыл нæ, фæлæ ма америкæйаг хæцæнгæрзтæ Гуырдзыстонмæ æрвитыны хъуыддаг сног кæныны фарстытыл дæр, кæцыты æрвитыны куыст урæд æрцыдис 2008 азы августы Гуырдзыстон Хуссар Ирыстоны ныхмæ цы хæстон агресси сарæзта,уый фæстæ.