Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Archive - Mar 2016

March 24th

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполаты комментарий ÆИА «Южная Осетия»-йæн

Фæстаг рæстæджы дунейы сарæхгонд террористон атакæтæ æвдисынц, æхсæнадæмон терроризмæй кæй ничи у хъахъхъæд, уый. Терроризмæн арæнтæ нæй æмæ æппæт дунейæн дӕр у тæссаг. Сусæггаг нæу, арæх спецслужбæтæ сæхæдæг кæй вæййынц террористон актты организацийы хайджын, уый. 2005-2008 азты РХИ-ы территорийыл Гуырдзыстоны спецслужбæтæ сарæзтой 22 теракты, уыдон фæстиуæгæн 16 адæймаджы фæмард, 34 æмбæстаджы цæфтæ фесты æмæ дзы иутæ та систы инвалидтæ.

Хуссарирыстойнаг делегацийы хъусынгæнинаг дзыллон информацийы фæрæзтæн

Фæскавказы æдасдзинад æмæ стабилондзинады фарстаты фæдыл Æхсæнадæмон дискусситы 35-æм раунды фæстиуджыты тыххæй

March 23rd

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



23 марты Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполат райста йæхимæ Хуссар Ирыстоны Æхсæнадæмон Сырх Дзуары Комитеты минæварады сæр Нальан Антмены.


Фембæлды бæстон æмæ конструктивон ныхасы рæстæджы дзырд цыд Æхсæнадæмон Сырх Дзуары Комитеты Хуссар Ирыстоны территорийыл архайды æппæт спектртыл, сæрмагондæй та, Æхсæнадæмон Сырх Дзуары Комитеты йæ мандатмæ гæсгæ кæй æххæст кæны, уыцы гуманитарон программæтыл.

March 22nd

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполаты комментарий ÆИА «Южная Осетия»-йæн

Бельгийы террористон атакæты фæдыл

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполат бельгиаг сæйраг горæты цы террористон атакæтæ æрцыд æмæ уыдон фæстиуæгæн цы бирæнымæц адæм фæмард æмæ фæцæф ис, уый фæдыл равдыста йæ цæхгæр æнæразыдзинад. «Мæсæллæй зæгъæм бæстæйы хицауадæн æмæ мæрдджынты бинонтæн. Хуссар Ирыстон хорз зоны, теракт цы у, уый, æмæ мах сидæм дунеон æмæхсæнадмæ, цæмæй баиу кæной æппæт тыхтæ ацы фыддзинады ныхмæ».

Цхинвал, 2016 азы 22 март

March 17th

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполаты интервью ИА «Рес»-æн



- Хуссар Ирыстоны цыппар æмбæстæджы Гуырдзыстоны ахæстæтты 11 аз фæбадгæйæ æрыздæхтысты сæ хæдзæрттæм. Цы куыст цыдис ацы азты дæргъы, цы архайд цыд нæ æмбæстæгты ссæрибар кæныны тыххæй?


— Æцæгæй дæр, не’мбæстæгтæ 11 зын азы арвыстой гуырдзиаг ахæстæтты. Уыцы азты дæргъы, æнæзакъононæй ахст кæй сты, Хуссар Ирыстон уый кой кодта, домдта, цæмæй сæ ссæрибар кæной. Хуссарирыстойнаг минæвæрттæ æдзухдæр ацы фарст æвæрдтой куыд Æмхæццæ контролон къамис форматы, афтæ æндæр æмвæзадтыл дæр. Фæлæ гуырдзиаг фарсы æнæконструктивон позици æмæ политикон нæ, фæлæ гуманитарон характер кæмæн ис, уыцы фарстатæ скъуыддзаг кæнынмæ сæ æдзæттæдзинады тыххæй ацы фарсты ницы размæцыд уыдис. Ацы ран мæ фæнды æрымысын Хуссар Ирыстоны æмбæстагон секторы минæвæртты архайд, фыццаджыдæр Козаты Лирæйы куыст. Уыдон бирæ куыстой ацы фадыджы æмæ сын арæх æнтысти Республикæ Хуссар Ирыстоны официалон структурæтæй фылдæр, сæйраджыдæр, сæ куысты гъæд æнæпаддзахадон кæй у, уый фæрцы. Сæрмагондæй, уыдон æххуыс кодтой ахæстæтты хиуæтты фембæлдтæн Гуырдзыстоны официалон адæймæгтимæ æмæ хиуæтты ныстуантæ Гуырдзыстоны паддзахадон органтæм адæттынæн.

March 15th

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



2 марты Фæсконфликтон фарст æрбæстон кæныны фæдыл Президенты Æххæстбарджын Минæвар Джиоты М.К. сæргълæудæй Цхинвалы уагъд æрцыдис Женевайы дискусситы Хуссар Ирыстоны хайадисджыты кусæгон фембæлд Фæскавказы æдасдзинад æмæ стабилондзинады фæдыл Женевайы дискусситы Æмсæрдæрттимæ. Уыдысты дзы ЕЦ, ЕЦÆО æмæ БНО Минæвæрттæ, кæцытæ Республикæмæ æрцыдысты дискусситы 35-æм радон раунды хæдразмæ.


Фембæлды рæстæджы уынаффæ цыдис, 22-23 марты чи хъуамæ уой, уыцы дискусситæм бацæттæ кæныны фарстатыл.

March 14th

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

Тыбылты Д.И. Боливариайнаг Республикæ Венесуэлайы Республикæ Хуссар Ирыстоны Уæлвæткон æмæ Æххæстбарджын Минæвары бынатæй æмæ Республикæ Никарагуайы Республикæ Хуссар Ирыстоны Уæлвæткон æмæ Æххæстбарджын Минæвары бынатæй ссæрибар кæныны тыххæй

1012.jpg

2016 азы 29 февралы Республикæ Хуссар Ирыстоны Президент Тыбылты Л.Х. Указтæй Боливариайнаг Республикæ Венесуэлайы Республикæ Хуссар Ирыстоны Уæлвæткон æмæ Æххæстбарджын Минæвар æмæ Республикæ Никарагуайы Республикæ Хуссар Ирыстоны Уæлвæткон æмæ Æххæстбарджын Минæвар Тыбылты Д.И. сæрибар æрцыдис йæ бынатæй.

Цхинвал, 2016 азы 1 март

March 10th

Республикæ Хуссар Ирыстоны Фæсарæйнаг хъуыддæгты министрады хъусынгæнинаг



Бадзырдты фæлгæтты, кæрæдзимæ ахст чи сты, уыдон ссæрибар кæныны фæдыл къухбафтгæ сразыдзинæдтæм гæсгæ 10 марты Республикæ Хуссар Ирыстоны официалон минæвæрттæм лæвæрд æрцыдысты Хуссар Ирыстоны æмбæстæгтæ Зассеты Георгий, Коцты Иосиф, Уалыты Георгий æмæ Тъурашвили Барис. Уыдонæн 2005 азы Гуырдзыстоны тæрхонгонд æрцыдис цæрæнбонтæм ахæстоны фæбадын.


Сæ радтыны процедура уыдис абхазаг-гуырдзиаг паддзахадон арæны Контролон-уадзæн пункты цæугæдог Ингуы былыл. Хайад дзы истой Республикæ Хуссар Ирыстоны Фæсарæйнаг хъуыддæгты министр Цхуырбаты К., Республикæ Абхазы Фæсарæйнаг хъуыддæгты министр Чирикба В., Республикæ Хуссар Ирыстоны Уæлвæткон æмæ Æххæстбарджын минæвар Республикæ Абхазы Боциты О., æндæр официалон адæймæгтæ.

March 7th

Фæсарæйнаг хъуыддæгты министрады хъусынгæнинаг

Гасситы Знауыры мæлæты охыл

2016 азы 6 марты йæ цардæй 91-аздзыдæй ахицæн ис Республикæ Хуссар Ирыстоны зынгæ паддзахадон архайæг Гасситы Никъалайы фырт Знауыр.


Зынгæ къухдариуæггæнæг æмæ куырыхон политик-патриот, кæцы йæ цард æппæтæй дæр снывонд кодта йæ адæмы интерестæн, диссаджы адæймаг стыр царды фæлтæрддзинадимæ, æдзухдæр хæларзæрдæ æмæ æргом – ахæмæй баззайдзæн чи йæ зыдта канд Хуссар Ирыстоны нæ, фæлæ ма иннæ бæстæты дæр, уыдон зæрдæты.

March 4th

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



3 марты уыдис РХИ Фæсарæйнаг хъуыддæгты министрады цур архайæг Экспертон советы дыккæгæм рабадт. Экспертон советы куысты ма хайад райстой Цæгат Ирыстны-Аланийæ æрхонгæ эксперттæ – историон зонæдты доктор, профессор Дзидздзойты В.Д., историон зонæдты доктор, профессор Бзарты Р.С. æмæ Хозиты П.И.


Дыккаг рабадты рæстæджы Экспертон советы хайадисджытæ æруынаффæ кодтой боны фæткы къорд актуалон фарстатыл, сæрмагондæй та Республикæ Хуссар Ирыстоны Уæрæсейы Федерацийы скондмæ бацæуыны æмæ РХИ ном аивыны тыххæй РХИ Президенты инициативæйыл. Уымæй дарддæр ма фембæлды хайадисджытæ æмхъæлæсæй рахæцыдысты ирон æвзаджы терминологион къамис саразын кæй хъæуы Министрады ахæм инициативæйы фарс æмæ райстой иумиаг хъусынгæнинаг.