Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

Printer-friendly version
Абон Мæскуыйы къухтæ фыст æрцыдысты Уæрæсейы Федерацийы скондмæ Республикæ Хъырым æмæ горæт Севастополь райсыны æмæ Уæрæсейы Федерацийы сконды ног субъекттæ сырæзыны фæдыл Бадзырд.


Хуссар Ирыстоны хорзыл нымайынц Уæрæсейы Федерациимæ Республикæ Хъырымы æмæ горæт Севастополь баиу кæныны уынаффæ. Ацы цау, кæцы Хъырымы бирæнацион адæмы фæндондзинады сæххæстæн æмæ æвдисæн у историонрæстдзинад æмæ дунеон барады фæуæлахизæн.

Ныфс нæ ис, ацы нысаниуæгджын цау кæй суыдзæнис дунеон барады æмæ бындурон хæзнаты хæрзæгъдаудзинады райдиан сфидар кæнынæн ахъазгæнæг, кæцытæ цалдæр дæс азы дæргъы æххæст цыдысты дывæр стандарттæм гæсгæ иу кæнæ иннæ бæстæтæм ахасты.

Уырны нæ, Хъырым æмæ Севастополь Уæрæсейы Федерацийы скондмæ кæй бацыдысты, уый кæй ахъаз кæндзæнис уавæр стабилизаци кæнынæн æмæ Сау денджызы регионы æдасдзинад фидар кæнынæн, афтæ ма кæй ахъаз кæндзæнис Уæрæсейы Федерацийы ног субъекты рæзтæн æмæ сæ цæрджыты фæныгады рæзтæн дæр.


Цхинвал, 2014 азы 18 март