Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



01.08.2015 азы РХИ-ы Фæсарæйнаг хъуыддæгты Министр Цхуырбаты Хъасполаты бардзырдмæ гæсгæ арæзт æрцыд Фæсарæйнаг хъуыддæгты министрады цур Экспертон совет. 19 ноябры 2015 азы уагъд æрцыд Экспертон советы фыццаг рабадт.


Экспертон советы фыццаг рабадты сæр уыд «Республикæ Хуссар Ирыстоны æддагон полититкæйы актуалон здæхтытæ». Рабадты хайадисджытæ æруынаффæ кодтой, æддагон политикæйæн цы ахадындзинад ис Республикæйы националон интересты, ууыл. Хайадисджытæ сразы сты ууыл, зæгъгæ, эксперттæ æддагон политикæй фарстаты фæдыл сæрибарæй хъуамæ æргом кæной сæ хъуыдытæ. Уыдон хорзыл банымадтой, Фæсарæйнаг хъуыддæгты министрады цур Экспертон советы фæзуатыл æддагон полтитикæ æмæ æхсæнадæмон проблематикæйы фарстатæ рахæссыны фадат кæй фæзынд, стæй уæд, Фæсарæйнаг хъуыддæгты министрад æмæ экспертон æмæхсæнадæн æмкуысткæнынады механизмæн райрæзты фадат кæй фæзынд, уымæй.

Дарддæры æмкуысткæнынадмæ тырнындзинад æвдисгæйæ, хайадисджытæ равдыстой сæ цæттæдзинад Фæсарæйнаг хъуыддæгты министрады цур Экспертон советы куыст регулярон бындурыл адарддæр кæнынмæ.


Цхинвал, 20 ноябрь 2015 аз



Республикæ Хуссар Ирыстоны Фæсарæйнаг хъуыддæгты министрады цур Экспертон советы фыццаг рабадты хайадисджыты фидиуæн


Мах, Республикæ Хуссар Ирыстоны Фæсарæйнаг хъуыддæгты министрады цур Экспертон советы фыццаг рабадты хайадисджытæ;


Республикæ Хуссар Ирыстоны националон интерестæ ифтонг кæныны хъуыддаджы æддагон политикæйы ахадындзинад хынцгæйæ;

æддагон политикæйы здæхтытæ бакусыны хъуыддаджы Республикæйы æмæхсæнады ахсджиагдзинад нысан кæнгæйæ;

хорзыл нымайæм, Экспертон æмæхсæнад æмæ Республикæ Хуссар Ирыстоны Фæсарæйнаг хъуыддæгты министрады æхсæн æмкуысткæнынад æмæ æмархайды механизмтæ райрæзыны охыл хæдбар эксперттæн æддагон политикæйыл уынаффæ кæнынæн фæзуаты хуызы Эскпертон совет саразыны хъуыддаг;

Эспертон советы фыццаг рабадты конструктивон уавæр банысан кæнгæйæ, фидар кæнæм нæ тырнындзинад дарддæры æмкуысткæнынадмæ æмæ нымайæм æнæмæнгхъæуæгыл ахæм форматы регулярон бындурыл æмбæлын.


Цхинвал, 19 ноябрь 2015 аз

img_5139.jpg