Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны фæсарæйнаг хъуыддæгты министрады пресс-службæйы хъусынгæнинаг

Printer-friendly version



4 майы Республикæ Хуссар Ирыстоны фæсарæйнаг хъуыддæгты министры рæстæгмæ хæстæ æххæстгæнæг Цхуырбаты А. райста йæхимæ Республикæ Хуссар Ирыстоны фæсарæйнаг хъуыддæгты министрады минæвар Италийы Мауро Мурджиайы.


Фембæлды рæстæджы дзырд цыд Республикæ Хуссар Ирыстоны фæсарæйнаг хъуыддæгты министрады минæвары Италийы офисы архайды тыххæй. Офис конд æрцыд Ромы 2016 азы 4 апрелы. Банысангонд æрцыд ацы хабары нысаниуæг Хуссар Ирыстоны интересты дарддæр кæнынæн хъуыддаджы.

Ныхасы рæстæджы ма дзырд цыд алыхуызон проектты реализацийы гæнæнтыл, кæцытæн ис бакæнæн Республикæ Хуссар Ирыстоны медицинæ, экономикæ, ахуырад æмæ культурæйы къабæзты.

Цхуырбаты А. бузныджы ныхæстæ загъта Мурджиайæн йæ активон æмбæстагон позицийы æмæ йæ Минæварадон архайды тыххæй. Уымæй дарддæр ма бафæдзæхста бузныг зæгъын чи йын æххуыс кæны, æппæт уыдонæн дæр.


Цхинвал, 2016 азы 4 май

img_0361.jpg

img_0366.jpg