2016 азы 10 августы Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Н.З. радта æууæнчы грамотæтæ Боливариайнаг Республикæ Венесуэлæйы Президент Николас Мадуромæ. Церемони уыд президенты галуаны Мирафлоресы.

Президент Мадуро минæвæрттæн Венесуэлæйы адæмы номæй йæ арфæйы ныхасы бахахх кодта, паддзахадты æхсæн æхсæнадæмон барад æмæ æмгуыстады бындурыл арæзт ахастытæ ахсджиаг кæй сты, уый.

Церемонийы хайад истой Боливариайнаг Республикæ Венесуэлæйы Фæсарæйнаг хъуыддæгты министр Делси Родригес, Коммуникациты æмæ информацийы министр Луис Хосе Маркано æмæ æндæр официалон адæймæгтæ.