Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады минæвары комментари

Printer-friendly version
Хуссар Ирыстоны æнæ хъусдард нæ баззад АИШ-ы конгресс, Гуырдзыстоны «территориалон иудзинад»-ы фарс хæцгæйæ, цы тенденциозон резолюци сфидар кодта, уый. Радон хатт та америкаг конгрессменты æнæобъективон позицийыл дзурæг у, Гуырдзыстоны позицийы фарс æнæгурысхойæ кæй хæцынц æмæ Уæрæсемæ кæй сидынц «Хуссар Ирыстон æмæ Абхазы хæдбардзинады банымад аивынмæ», уый. Æнæнхъæлæджы нæу раст ацы бонты Тбилисы уагъд кæй цæуы НАТО-йы æфсæддон комитеты рабадт, цыран комитеты сæргълæууæг Петр Павел загъта, зæгъгæ, «альянс æнæгуырысхойæ хæцы Гуырдзыстоны территориалон иудзинад, суверенитет æмæ евроатлантикон тырнындзинады фарс», æмæ сиды Уæрæсемæ, цæмæй «аива» Хуссар Ирыстон æмæ Абхазы хæдбардзинады банымад.


Хуссар Ирыстоны раджы бамбæрстой гуырдзиаг политиктæ æмæ сæ ныгуылæйнаг партнертæн сæ бон кæй нæу рационалон аргументтæ бамбарын, уый. 2008 азы, Гуырдзыстоны сабырадмæ тыхæй æркæныны фæстæ регионы 9 азы дæргъы цы сабыр æмæ æнцад цард ис, уымæй бамбарæн уыдис, Гуырдзыстоны æдасдзинад, территориалон иудзинад æмæ суверенитетæн ССРЦ-ы фехæлды фæстæ цы реалон арæнтæ уыд, уыдонæн тас ницæмæй у.

Гуырдзыстоны ныгуылæйнаг партнертæ æнæхъуаджы цырын кæнынц гуырдзиаг хицауады реваншистон амбицитæ искæй территоритæ «раздахын» æмæ хæдбардзинад банымайыны хъуыддаг аивыны иллюзитæй. Уæрæсе Республикæ Хуссар Ирыстоны хæдбардзинад кæй банымадта, уымæй сифтонг кодта Хуссар Ирыстоны адæмы æдасдзинад æмæ стабилондзинад, Гуырдзыстоны территорийæ цы тæссагдзинад цыд, уый снейтрализаци кодта. Мæскуыйы иудадзыгон курс хæдбар паддзахадæн æмæ йæ адæмæн æххуыс кæнын æмгуыстады алыхуызон сферæты æмæ УФ-йы уынаффæ РХИ-йы хæдбардзинад банымады тыххæй æнæаивгæ кæй у, уый бирæ хатт банысан чындæуыд уæрæсейаг хицауады фарсы æрдыгæй.

НАТО æмæ АИШ-ы фæтынгдæргонд хъусдард Гуырдзыстонмæ, кæцытæ географион æгъдауæй сыхагиуæг дæр кæимæ нæ кæнынц, уыцы Гуырдзыстонимæ нысан кæны æрмæстдæр иу хъуыддаг – гуырдзиаг территори сабыргай кæй цæуы аннексигонд дарддæр дзы цæмæй НАТО-йы æфсæдтæн плацдарм сарæзтæуа, уый тыххæй, æмæ регионы дарддæры дестабилизацимæ сæ фæндтæ сæ къухты бафтын кæныны охыл.

Фæсконфликтон æрбæстонкæнынады æнæаскъуыддзаггонд фарстаты артмæ æдзухдæр зынджытæ æппарыны фæстиуæгæн регионы ситуаци цырындæр кæндзæн. НАТО Гуырдзыстоны йæ уæвынад кæй фылдæр кæны æмæ йын йæ æфсæддон æххуыс кæй фылдæр кæны, уый дæр къаддæр зианхæссæг нæу Фæскавказы æдасдзинады фæдыл Женевæйаг дискусситы атмасферæйæн.


Цхинвал, 2017 азы 3 март