Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

Printer-friendly version

img_0004.jpg 2012 азы 21 июны Санкт-Петербургы йæ куыст райдыдта æртæбонон ХVI Дунеон экономикон форум. Мадзалы хайад исынц цалдæр мин адæймаджы. Уыдон æхсæн – Республикæ Хуссар Ирыстоны делегаци. Делегацийы сты фæсарæйнаг хъуыддæгты Министр Санахъоты Д.Г., экономикон рæзты министры хæстæ æххæстгæнæг Хæбæлаты А.К. æмæ Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын Минæвар Медойты Д.Н.

Форумы сæйраг темæтæ уыдзысты хæсдарыны кризис Европæйы, дунеон экономикæйыл «араппаг уалдзæджы» æндæвдад, афтæ ма реактор «Фукусима-1» аварийы фæстæ атомон энергетикæйы перспективæтæ Японийы. Форумы хайадисджытæ ма пълан кæнынц, цæмæй æруынаффæ кæной Кавказ æмæ Дард Скæсæны райрæзтыл, Сколковойы инновацион кластеры реализаци, хомысы базæртты уавæрыл.

Хуссарирыстойнаг делегации ма уыдис форумы хайдисджыты экспозициты дæр æмæ хайад райста форумы фæзуæттыл уагъд чи цыдысты, сессийы уыцы дискусситы.

Цхинвал,
2012 азы 22 июн