22 июны Республикæ Хуссар Ирыстоны Фæсарæйнаг хъуыддæгты Министр Медойты Димитр йæхимæ райста Республикæ Хуссар Ирыстоны Æхсæнадæмон Сырх Дзуары Минæварады Комитеты Сæргълæууæг Фаррух Исломовы.
Цхинвал, 2017 азы 22 июнь
Ныхасы рæстæджы дзырд цыд Минæварад Хуссар Ирыстоны цы архайд кæны, уыцы фарстатыл. Сырх Дзуары Минæварады Сæргълæууæг радзырдта Министрæн организаци гуманитарон проблемæтæ куыд скъуыддзаг кæны, уый сæйраг здæхтыты тыххæй æмæ организацийы пъланты тыххæй æввахс периоды.
Банысангонд æрцыд Æбæрæгæй сæфтыты агурыны Æртæварсон координацион механизмы куысты ахсджиагдзинаг.
Фаррух Исломов ма Медойты Димитрæн раарфæ кодта министры бынатмæ нысангонд кæй æрцыд, уый тыххæй æмæ бузныджы ныхæстæ загъта Хуссар Ирыстоны къухдариуæгадæн Комитеты архайдæн æнæсцух æххуысы тыххæй.
Медойты Д. иумæйагæй æвæрццаг аргъ скодта МККК-йы гуманитарон архайдæн Хуссар Ирыстоны рацæугæ азты дæргъы æмæ ныфс бавæрдта дарддæры æнтыстджын æмархайдæй.
Цхинвал, 2017 азы 22 июнь