2015 азы 18 марты Республикæ Хуссар Ирыстоны Президент Тыбылты Л.Х. æмæ Уæрæсейы Федерацийы Президент В.В. Путин сæ къухтæ ‘рфыстой Республикæ Хуссар Ирыстоны æмæ Уæрæсейы Федерацийы ‘хсæн æмцæдисад æмæ интеграцийы фæдыл Бадзырдыл.

Бадзырды 14-æм статьямæ гæсгæ уый йæ тыхы бацыдис 2015 азы 30 июлы, кæрæдзимæ ратификацион грамотатæ куы радтой, уæдæй фæстæмæ.

Бадзырды амынд цæуы уæлæмхас сразыдзинæдтæ саразыны тыххæй, кæцытæ бадзырдон-барадон базæйыл рæзын кæндзысты æндæр æмæ æндæр къабæзты æхсæнпаддзахадон æмкуысткæнынад æмæ æмархайд. Уыцы документыл куыст цæуы дыууæ паддзахады ‘хсæн æмкуысткæнынад æмæ æмархайды фæткæйтæм гæсгæ, уæвæг нормæтæ æмæ фæткойтæ фидарæй хъахъхъæнгæйæ.