Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



28 февралæй 3 мартмæ Республикæ Хуссар Ирыстоны кусæгон визитимæ уыдис Итали æмæ Сан-Маринойы делегаци Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй.


Делегацийы йæхимæ райста Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. Ныхасы рæстæджы банысан æрцыдис, бирæрæстæгмæйон интерестæн дзуапп кæй дæтты ахастыты дарддæры рæзт æмæ фидардæр кæнынæн, сæрмагондæй та Итали-Хуссар Ирыстоны хæлардзинады Æхсæнады базарадон-экономикон æмæ культурон къабæзты фæлгæтты.

1 марты Хуссар Ирыстоны Фæсарæйнаг хъуыддæгты министрады фарсхæцынадæй уыдис фотонывты равдыст «Сан-Маринойы – сæрибардзинады рагон зæхх», зæгъгæ, ахæм номимæ. Сорганизаци йæ кодта «Сан-Маринойы нывисджыты Ассоциаци», Сан-Маринойы Хуссар Ирыстоны минæвар Эпифанио Троинайы хайадистæй. Равдыст амыдтой архитектор, Анконайы Университеты профессор Габриель Филиппини æмæ Ватиканы Хуссар Ирыстоны минæвар Ольга Москвина. Экспозицийы уыдысты рагон дунейы чысылдæр æмæ рагондæр паддзахадтæй сæ иу – Сан-Маринойы фенддагдæр æмæ рæсугъддæрдзинæдтыл дзурæг нывтæ.

Церемонийы раныхас кодта РХИ Фæсарæйнаг хъуыддæгты министры хæстæ æххæстгæнæг Санахъоты Д.Г. Равдыст ГОм кæнгæйæ, уый банысан кодта, зæгъгæ, растдæр культурæйы къабазы æмархайд кæнын ахъаз кæны италиаг æмæ хуссарирыстойнаг адæмы ‘хсæн ахастытæ фидар кæнынæн.

Равдыст конд æрцыдис Хуссар Ирыстоны æмæ Италийы ‘хсæн æмкуысткæнынады программæйы фæлгæтты æмæ ахæсдзæнис 8 мартмæ.


Цхинвал,2014 азы 3 март