2016 азы 6 марты йæ цардæй 91-аздзыдæй ахицæн ис Республикæ Хуссар Ирыстоны зынгæ паддзахадон архайæг Гасситы Никъалайы фырт Знауыр.

Зынгæ къухдариуæггæнæг æмæ куырыхон политик-патриот, кæцы йæ цард æппæтæй дæр снывонд кодта йæ адæмы интерестæн, диссаджы адæймаг стыр царды фæлтæрддзинадимæ, æдзухдæр хæларзæрдæ æмæ æргом – ахæмæй баззайдзæн чи йæ зыдта канд Хуссар Ирыстоны нæ, фæлæ ма иннæ бæстæты дæр, уыдон зæрдæты.

Республикæ Хуссар Ирыстоны Фæсарæйнаг хъуыддæгты министрады къухдариуæгад æмæ кусджытæ хъынцъым кæнынц æмæ мæсæллæй зæгъынц æнæбаххæстгæнгæ зианы тыххæй.