Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

Printer-friendly version



31 марты Республикæ Хуссар Ирыстоны Президент Тыбылты Л.Х. кусæгон визиты уыдис Мæскуыйы.


Уæрæсейы Федерацийы Президент В.В. Путинимæ йæ фембæлды рæстæджы уынаффæцыдис дывæрсыг æмкуысткæнынады уæрæх фарстатыл, сæйраджыдæр та Уæрæсеимæ æмиудзинады архайды дывæрсыг ахастыты социалон-экономикон хъуыддæгты, кæцытæй æххуыс кæны Республикæ Хуссар Ирыстонæн, уыцы нымæцы инвестицион программæйы фæлгæтты дæр.

Тыбылты Л.Х. банысан кодта хуссарирыстойнаг-уæрæсейаг ахастыты бæрзонд æмвæзад, афтæ ма банысан кодта, æдасдзинады хъуыддаджы Хуссар Ирыстонæн иттæг актуалон чи сты, уыцы фарстаты приоритет дæр æмæ Хуссар Ирыстон æмæ Уæрæсейы Федерацийы ‘хсæн æмцæдисад æмæ интеграцийы фæдыл 2015 азы марты къухтæ фыст кæуыл æрцыдысты, уыцы Бадзырды дарддæры реализацийы ахсджиагдзинад.

Йæхи рады В.В. Путин ныфс бавæрдта Тыбылты Л.Х. Уæрæсейы Федерацийы къухдариуæгады курс æнæивгæ кæй уыдзæнис æмæ дарддæр дæр Хуссар Ирыстон æмæ йæ адæмæн кæй æххуыс кæндзæнис æхсæнппаддзахадон æмкуысткæнынады курс æххæст кæныны æппæт сферæты дæр.

Визиты фæлгæтты ма Республикæ Хуссар Ирыстоны Президент Тыбылты Л.Х. фембæлд уыдис «Газпром»-ы ПАО Правленийы Сæрдар А.Б. Миллеримæ. Фембæлды рæстæджы банысан æрцыдис, цæмæй лæмбынæгæй уынаффæ æрцæуа Республикæ Хуссар Ирыстоны газификацийы Генералон схемæйы фарстатыл, кæцыйæн Республикæйы ис стыр социалон нысаниуæг.

Президент Тыбылты Л.Х. гуырахстджын интервью радта телеканал «Россия 24»-йæн.


Цхинвал, 2016 азы 2 апрель