Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

Printer-friendly version

Æвзонг дипломатты æртыккаг Æхсæнадæмон Форумы хайадисты тыххæй



2016 азы 2-3 августы Мæскуыйы уагъд æрцыд Æвзонг дипломатты æртыккаг Æхсæнадæмон Форум, кæцы сорганизаци кодта Уæрæсейы ФХМ Æвзонг дипломатты Совет А.М.Горчаковы номыл публикон дипломатийæн æххуысы Фондимæ.


Мадзалы хайад райстой æвзонг дипломаттæ Республикæ Хуссар Ирыстонæй, Республикæ Абхаз, Сомихстон, Белорусси, Казахстан, Кыргызстан, Молдова, Уæрæсейы Федерацийæ, Республикæ Таджикистан æмæ Туркменистан.

Хуссарирыстойнаг делегацийы сконды уыдысты РХИ ФХМ æмкусджытæ Кольцов Константин æмæ Уалыты Маринæ.

Æхсæнадæмон Формум йæ æртæазон архайды дæргъы сси æххæстформатон фæзуат æхсæнадæмон ахастыты æвзонг специалисттæн. Уыдонæн ис фадат æддагон политикæ æмæ æхсæнадæмон ахастыты актуалон фарстаты фæдыл сæ хъуыдытæ кæрæдзийæн фехъусын кæнынæн, уый та ахъаз у кæрæдзи æмбарын æмæ æууæндыны атмосферæ фидар кæнынæн.

Форумы фæлгæтты раныхас кодтой УФ Фæсарæйнаг хъуыддæгты Министры хæдивæг С.А.Рябков, УФ Фæсарæйнаг хъуыддæгты Министры хæдивæг Г.Б.Карасин, СНГ хъуыддæгты фæдыл, евразиаг интеграцийы æмæ УФ Паддзахадон Думæйы æмбæстæгтимæ бастдзинæдты фæдыл комитеты Сæрдар Л.Э.Слуцкий, Уæрæсейаг дипломатты Ассоциацийы Сæрдар Б.А.Мальсагов, А.М.Горчаковы номыл публикон дипломатийæн æххуысы Фонды директоры хæдивæг Р.Н.Гришенин æмæ æндæр эксперттæ.

Форумы хатдзæгты бындурыл ист æрцыд Æвзонг дипломатты Æхсæнадæмон Форумы Деклараци, уымæ гæсгæ хайадисджыты раразмæгонд хъæппæрисмæ гæсгæ интернет-тыгъдады хъуамæ арæзт æрцæуа информацион ресурс Форумы æрмæджытæ мыхуыр кæнынæн æмæ йæ хайадисджыты æхсæн контакттæ фидар кæнынæн.


Цхинвал, 2016 азы 10 август