Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

Printer-friendly version
2017 азы 9 февралæй 16 февралмæ Республикæ Хуссар Ирыстоны Фæсарæйнаг хъуыддæгты министрад исы куырдиæттæ Уæрæсейы Федерацийы Фæсарæйнаг хъуыддæгты министрады МГИМО(У) нысан бынæттæм конкурсон бындурыл равзарыны сæраппонд.


Конкурсон фæлвæрæнтæ конд уыдзысты беседæ æмæ фыссыны тестæй, кæцытæ уагъд цæудзысты «Уæрæсейы Федераци Республикæ Хуссар Ирыстоны Фæсарæйнаг хъуыддæгты министрадæн Мæскуыйы æхсæнадæмон ахастыты паддзахадон институты (Университеты) цы бынæттæ рахицæн кодтой, уырдæм конкурсон фæлвæрæнтæ уадзыны фæткы тыххæй» Уагæвæрдмæ гæсгæ.

Куырдиатимæ ма бадæттын хъæуы РХИ Ахуырад æмæ зонады министрады сфидаргонд бæлвырдгæнæн скъолайæ, кæцы бæлвырд кæны, абитуриент фæстаг 3 азы Республикæ Хуссар Ирыстоны кæй ахуыр кодта, уый, уыимæ ма паспорты ксерохалдих æмæ 2 фотонывы.

Конкурсон фæлварæнтæ уагъд цæудзысты: беседæ – 20 февралы, фыссыны тест – 21 февралы 2017 азы.

Уæлæмхас информаци райсæн ис РХИ Фæсарæйнаг хъуыддæгты министрады ахæм адресыл: Сталины уынг,18, Хицауады хæдзар, 3-аг уæладзыг, тел.: 45-22-43, 45-12-17.


Цхинвал, 2017 азы 8 февраль