Дарддæр кæны Республикæ Хуссар Ирыстоны делегацийы визит Венесуэлæмæ. Делегацийы сконды сты Фæсарæйнаг хъуыддæгты министры хæдивæг Коцты Алан æмæ Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Нарим.

Хуссарирыстойнаг делегаци хайад райста Венесуэлæйы лидер Уго Чавесы мæлæтыл цыппар азы сææхæсты цытæн мысæн мадзæлтты. Делегаци фембæлд Уæрæсейы Федерацийы Минæвар Венесуэлæйы Владимир Заемскиимæ. Уымæй дарддæр ма уыд фембæлдтытæ æндæр бæстæты делегациты минæвæрттимæ, кæцытæ истой хайад мысæн мадзæлтты.

Республикæ Хуссар Ирыстоны делегаци йæхимæ райста Боливариайнаг Республикæ Венесуэлæйы Фæсарæйнаг хъуыддæгты министр Делси Родригес Гомес. Венесуэлæйы ФХМ консультациты рæстæджы дзырд цыд алыхуызон сферæты дыууæварсон æмгуыстады фарстатыл.