Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министр Джиоты М. К. Уæрæсейы Фæсарæйнаг хъуыддæгты министрады фæсарæнты се ‘мбæстæгтæй чи цæры, уыдонимæ куысты фæдыл Департаменты Директоры А. В. Чепуринимæ фембæлды тыххæй

Printer-friendly version

18 февралы Республикæ Хуссар Ирыстоны Фæсарæйнаг хъуыддæгты министр Джиоты Мурат æмæ РХИ æхсæнадон баиугæндты фæдыл РХИ президенты паддзахадон уынаффæгæнæг Дзугаты Къоста фембæлдысты Уæрæсеæн фæсарæнты чи цæры, уыдонимæ кусыны фæдыл Уæрæсейы Фæсарæйнаг хъуыддæгты министрады Департаменты Директор А. В. Чепуринимæ, кæцы кусæгон визиты æрцыдис Республикæ Хуссар Ирыстонмæ.

Ныхæсты рæстæджы уынаффæ цыдис Уæрæсейы æмбæстæгтæй Хуссар Ирыстоны чи цæры, уыдоны проблематикæимæ баст чи сты, уыцы фарстайыл. Хуссар Ирыстойнаг фарс бузныг загъта Хуссар Ирыстонæй Уæрæсейы Федерацийы чи ис, уыдонæн æххуыс, фарсхæцынады æмæ 2008 азы Хуссар Ирыстонмæ цы гуырдзиаг агресси уыдис, уый фæстиуджытæ иуварс кæныны фæдыл, социалон, культурон, æвзаджы фарстаты бæстон æмæ фидар кæнынæн уавæртæ аразыны тыххæй.

Фæрсттæ райгондæй банысан кодтой, дыууæ фарсы ‘рдыгæй дæр æхсæнадон баиугæнндтæй сæ куыст ахадон æмæ æмбæлон æгъдауыл кæй цæуы, уый.

Фембæлды хайад райстой РХИ Фæсарæйнаг хъуыддæгты министры фыццаг хæдивæг Плиты А. С. , Республикæ Хуссар Ирыстоны Уæрæсейы Федерацийы Чрезвычайон æмæ Æххæстбарджын Минæвар Кæрчиты Э. К.

г. Цхинвал,
2011 азы 18 февраль.