Республикæ Хуссар Ирыстоны Фæсарæйнаг хъуыддæгты министрады комментарий
Гуырдзыстоны политикты уæвæг реалитæ цахæм æнæбасæтгæдзинадимæ фæнды, уый аккаг у æмæ дзы пайда кæной æндæр хъуыддæгты. Цъус рæстæг, мыййаг, нæ рацыдис, цæмæй Гуырдзыстоны къухдариуæгадмæ бахъара уый æмæ Республикæ Хуссар Ирыстоны статусимæ баст фарстатæ кæй нæ уæвынад кæнынц.
Республикæ Хуссар Ирыстоны статус сбæлвырд кодтой йæ адæм æмæ йыл нæй уынаффæгæнæн. Хуссар Ирыстоны хæдбардзинад уыдис, Хуссар Ирыстоны, Гуырдзыстон сæ цæмæй ма скуынæг кодтаит, уымæй хи бахизыны амал æмæ расидт æрцыдис 1991 азы 21 декабры Декларацийæ. Ацы уынаффæ райстой 1992 азы 19 январы референдумы æппæтиумиаг хъæлæсæппæрстæй æмæ фидаргонд æрцыдис Республикæ Хуссар Ирыстоны 1992 азы Актæй 29 майы. Хуссар Ирыстоны паддзахаддзинад рæзтис æрмæстдæр дунеон барады нормæтимæ разыдзинады бындурыл.
2008 азæй фæстæмæ Республикæ Хуссар Ирыстон у нымад паддзахад æмæ æмбар бандурыл хайад исы Фæскавказы æдасдзинады Женевæйы дискусситы. Ацы дискусситы хайадисæг у Гуырдзыстон йæхæдæг дæр. Хуссар Ирыстоны æмæ Гуырдзыстоны ‘хсæн диалоджы тыххæй дзырд куы цæуа, æмæ гуырдзиаг политиктæ ныфс кæмæй ис, ууыл, уæд уымæн гæнæн ис æрмæстдæр хæдбар сыхаг паддзахадты ‘хсæн æмбар бындурыл æмæ æппæт реалитæ хынцгæйæ.
Цхинвал, 2015 азы 25 февраль