19 июны Республикæ Хуссар Ирыстоны Фæсарæйнаг хъуыддæгты министр Медойты Д.Н. йæхимæ райста Республикæ Дагестаны минæвар Республикæ Хуссар Ирыстоны М.М.Шамиловы.

Ныхасы рæстæджы дзырд цыд Хуссар Ирыстоны æмгуыстады фарстатыл Цæгат Кавказы республикæтимæ æмæ традицион чи сты, уыцы хæларадон ирон-дагестайнаг ахастыты дарддæры райрæзтыл, уыдоны æхсæн гуманитарон, культурон æмæ базарадон-экономикон бастдзинæдты рауæрæх кæныныл.

Дыууæ фарсы ма æрныхас кодтой зынгæ советон æмæ уæрæсейаг поэт, публицист æмæ æхсæнадон архайæг, Дагестаны гуырд Расул Гамзатовæн цырт сæвæрыны фарстайыл. Цхинвалы 2013 азы поэты 90 азы цытæн Расул Гамзатовы номыл цытджын æгъдауæй сквер баконд куы æрцыд, уæд фидæны цыртæн дæр дур уæд бавæрдæуыд.

Медойты Димитр бæрзонд аргъ скодта Магомед Шамиловы архайдæн Хуссар Ирыстон æмæ Дагестаны адæмты ахастытæ фидар æмæ рæзын кæныны хъуыддаджы.