2013 азы 30 сентябры Республикæйы Хуссар Ирыстоны Приднестровьейы Молдаваг Республикæйы Официалон Минæварады Сæргълæууæг С. В. Сураго хайад райста, Абхазы Хæдбардзинады бон æмæ Абхазы адæмы Фыдыбæстæйон хæсты Уæлахизы 20-азон юбилейы цытæн г. Тирасполы Республикæ Абхазы Минæварады уагъд чи цыдис, уыцы химæрайсты.

Мадзал уадзыны рæстæджы бæрзон аргъ раттæуыд уыцы дард ивгъуыды трагикон азты Абхазæн Хуссар Ирыстоны адæмы стыр æххуысæн. Уый фыст æрцыдис Абхазы Минæварады мысæн чиныджы. Минæварады арæзт æрцыдис фотонывты стыр равдыст. Уыдысты дзы Приднестровьейы нывгæнджыты конд нывтæ, кæцытæ кæттагыл равдыстой Абхазы Республикæйы рæсугъд æрдз æмæ царды нывтæ.

Афтæ ма конструктивонæй кæрæдзийæн сæ хъуыдытæ загътой Хуссар Ирыстоны æмæ Приднестровьейы æмгуыстады фæдыл ПМР-ы Хицауады Сæрдар Т. Туранская, ПМР-ы Президенты Администрацийы Сæргълæууæг Н. Баранова æмæ æндæр официалон адæймæгтимæ.

18 сентябры Республикæ Хуссар Ирыстоны Фæсарæйнаг хъуыддæгты министрады Республикæ Хуссар Ирыстоны Фæсарæйнаг хъуыддæгты министр Санахъоты Давид фембæлдис Итали æмæ Хуссар Ирыстоны `хсæн Хæлардзинады æхсæнады Президент профессор Мауро Мурджиаимæ. Фембæлды ма уыдис Италиæмæ Хуссар Ирыстоны `хсæн Хæлардзинады æхсæнады уæнг Джорджио Лоренци.

Баныхæсты рæстæджы æруынаффæ кодтой Хуссар Ирыстоны æмæ Италийы хæлардзинады Æхсæнады æмахастыты фарстатыл, афтæ ма банысан æрцыдис дывæрсыг ахастыты дарддæры интенсификацийы перспективон архайды конкретон алгоритм, сæрмагондæй та базарадон-экономикон æмæ культурон къабæзты.

2013 азы 11 сентябры Фæскавказы конфликтон фарстатæ æрбæстон кæныны фæдыл Женевæйы дискусситы хуссарирыстойнаг делегацийы хайадисджытæн Президенты Æххæстбарджын Минæвар Джиоты Мураты сæргълæудæй Цхинвалы кусæгон фембæлд уыдис Æмсæрдæрттимæ ЕЦ, ЕЦÆО æмæ ИНО-йæ.

Баныхæсты рæстæджы дыууæ фарсы бауынаффæ кодтой, 2013 азы ноябры чи хъуамæ уа, дискусситы уыцы радон раундмæ бацæттæ кæныны фæдыл.

Италимæ йæ кусæгон визит дарддæр кæнгæйæ, Республикæ Хуссар Ирыстоны Фæсарæйнаг хъуыддæгты министр Санахъоты Давид 10 сентябры Римы Конференц-центр Roma Eventi-йы ауагъта пресс-конференци. Конференцийы уыдысты «La Repubblica», «Фамилья кристиана», «Евразия», ИТАР-ТАСС-ы журналисттæ æмæ Италийы Уæрæсейы Минæварады минæвæрттæ.

4 сентябры Республикæ Хуссар Ирыстоны Фæсарæйнаг хъуыддæгты министр ацыдис кусæгон визиты Италийы Республикæмæ æмæ йын уыдис къорд фембæлды.

Сæрмагондæй та, 4 сентябры министр фембæлдис парти SEL депутат Лара Ричаттимæ. Фембæлды рæстæджы депутат ныфсдзинад загъта, зæгъгæ, Италимæ министры фыццаг визит уыдзæнис æнтысджын æмæ Хуссар Ирыстон æмæ Италийы ‘хсæн бастдзинæдтæ кæндзысты фидар æмæ уæрæх.

5 сентябры Санахъоты Давид фембæлдис хисæрмагонд галерея «Arzilli»-йы хицау Джузеппе Арциллийы фæхуындмæ гæсгæ уыдис равдыст «Хæххон Абхаз»-ы равдыст гом кæныны Республикæ Сан-Маринойы.

2013 азы 26 августы Республикæ Хуссар Ирыстоны Фæсарæйнаг хъуыддæгты министр Санахъоты Давид фембæлдис Республикæ Абхазы Хицауады Сæрдары хæдивæг Беслан Эшба æмæ Республикæ Абхазы Фæсарæйнаг хъуыддæгты министры хæдивæг Олег Аршбаимæ, кæцытæ Цхинвалмæ ‘рцыдысты, Уæрæсейы Федераци Республикæ Хуссар Ирыстоны хæдбардзинад кæй банымадта, ууыл 5 азы сæххæсты бæрæгбонон мадзæлтты хайад райсынмæ. Фембæлды ма уыдис Республикæ Хуссар Ирыстоны Фæсарæйнаг хъуыддæгты министры хæдивæг Коцты Алан дæр.

Хæларадон ныхæсты рæстæджы дыууæ фарсы дæр кæрæдзийæн раарфæ кодтой нысаниуæгджын бæрæгбоны цытæн, кæцы у Хуссар Ирыстоны æмæ Абхазы иууыл ногдæр историйы фæсасты этап. Уымæй дарддæр ма фембæлды æркастæуыдис дарддæр æмархайды иуæй-иу аспекттæм æмæ дывæрсыг æмгуыст кæныны фарстатæм дæр.

2013 азы 26 августы Республикæ Хуссар Ирыстоны Фæсарæйнаг хъуыддæгты министр Санахъоты Давид фембæлдис Хæххон-Карабахы Республикæйы Фæсарæйнаг хъуыддæгты министрады аппараты къухдариуæггæнæг-Генералон нымæрдар Семен Афиянимæ, кæцы ХКР делегацийы сконды æрцыдис, Республикæмæ Уæрæсейы Федераци Республикæ Хуссар Ирыстоны хæдбардзинад куы банымадта, ууыл 5 азы сæххæсты бæрæгбонмæ. Фембæлды ма уыдис адæймаджы барты фæдыл Хуссар Ирыстоны Президенты цур Бæрнджын Тасойты Инал дæр.

Дыууæрдыгæй фарс дæр кæрæдзийæн сæ хъуыдытæ загътой дывæрсыг ахастыты перспективæтæ дарддæр рæзын æмæ фидар кæныны уавæры тыххæй.

2013 азы 20 августы Абхазы Республикæйы Республикæ Хуссар Ирыстоны Æххæстбарджын Минæвар Боциты Олег Республикæ Абхазы Президент Александр Анквабмæ радта æууæнчы грамота.

Александр Анкваб ын раарфæ кодта бынаты урæд кæй æрцыдис, уый тыххæй æмæ йын загъта йæ куысты йын æнтыстытæ цæмæй уа, ахæм фæндиæгтæ. Боциты Олег йæхи рады загъта, æппæт тыхтæ дæр кæй здахдзæнис дыууæ æфсымæрон адæмты – Хуссар Ирыстоны æмæ Абхазы ‘хсæн ахастытæ дарддæр рæзын кæнынмæ.

2013 азы 26 августы Республикæ Хуссар Ирыстоны Фæсарæйнаг хъуыддæгты министрады министр Санахъоты Давидæн фембæлд уыдис Приднестроваг Молдоваг Республикæйы Президент Евгений Шевчук æмæ ПМР Фæсарæйнаг хъуыддæгты министр Нина Штанскиимæ. Уыдон Республикæ Хуссар Ирыстоны сты Уæрæсейы Федераци Хуссар Ирыстоны паддзахадон хæдбардзинады фондз азы юбилейон бæрæгбоны.

Фембæлды ма уыдысты РХИ Фæсарæйнаг хъуыддæгты министры фыццаг хæдивæг Цхуырбаты Казбулат æмæ Приднестроваг Молдоваг Республикæйы официалон минæвар Хуссар Ирыстоны Пухаты Александр.

2013 азы 16 августы Фæсарæйнаг хъуыддæгты министр Санахъоты Давид фембæлдис Хуссар Ирыстонæй Уæрæсейы Федерацийы Фæсарæйнаг хъуыддæгты министрады ДАМПИ(У) ахуыр кæнынмæ æрвыст чи æрцыдысты, уыцы студенттимæ.

Санахъоты Давид раарфæ кодта студенттæн фæлварæнтæ æнтысгæйæ кæй радтой, уый сæраппонд æмæ сын бузныг загъта сæ иузæрдион ахуыры тыххæй. Студенттæ дæр сæхи рады дзырдæй университеты ахуыр кæнгæйæ, сæ тæлмæнтыл, дзырдтой сæхи тыххæй, цы аразынц, цæмæ цымыдис кæнынц, сæ проблемæтыл æмæ сæм сомбоны цы плантæ ис, уыдæттыл.

Министр ныфсдзинад загъта, зæгъгæ, ахæм уæлдæр ахуыргæнæндон, цахæм у ДАМПИ(У) фæугæйæ, кæй рæздæхдзысты сæ Райгуырæн бæстæмæ æмæ сæ зонындзинæдтæ æмæ тыхтæ кæй аздахдзысты дунеон аренæйы æвзонг Республикæйы æвæрццаг имидж фидар кæнынмæ.