2013 азы 1 декабры 5 азы сæххæст Уæрæсейы Федерацийы Республикæ Хуссар Ирыстоны Минæварад саразыны æмæ йæ куыст райдайыны тыххæй Указыл къух фыст куы ‘рцыдис, уæдæй.

Дипломатон службæ равзарын, хуымæтæг хъуыддаг, мыййаг, нæу. Уый кæддæриддæр нысан кодта хи бæстæйы хæрзиуæгæн æндыгъд куыст кæнын, æдзух æй хуыздæр кæнынмæ тырнындзинад. Хъæуы дзы аналитикон зонд æмæ алыварсон æгъдауæй фенæг адæймаг, цахæмфæнды вазыгджын ситуациты дæр йæ бон раст уынаффæ райсын кæмæн у, ахæм.

2013 азы 26 ноябры Республикæ Хуссар Ирыстоны кусæгон визитимæ уыдысты Фæскавказы æдасдзинады фæдыл Женевæйы дискусситы Æмсæрдæрттæ. Делегаци Цхинвалы фембæлдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты Мураты сæргълæудæй Хуссар Ирыстонæй Женевæйы дискусситы хайадисджытимæ.

15 ноябры Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Минæварады сæргълæууæг Валентина Кимы.

Фембæлды уынаффæ кодтой РХИ-йы территорийыл фæстаг мæйты Сырх Дзуары архайдмæ хауæг фарстатыл. Дзырдтой, уымæй размæ цы фембæлд уыдис æбæрæгæй сæфт адæймæгты агурыны сæраппонд, уый фæдыл. Кæрæдзийæн сæ хъуыдытæ загътой цымыдисаг къорд фарстаты тыххæй.

Санахъоты Давид бузныг загъта ДСДК-йы сæргълæууæгæн йæ визиты тыххæй æмæ банысан кодта ДСДК-йы бирæазон ахадæн куыст Хуссар Ирыстоны. Фембæлды хайадисджытæ цæттæдзинад загътой сæ дарддæры координацигонд архайды æмæ æргом æмкуысткæнынады тыххæй.

2013 азы 8 ноябры Республикæ Хуссар Ирыстоны Фæсарæйнаг хъуыддæuns министр Санахъоты Д.Г. кусæгон визиты ацыдис Италимæ. Хуссар Ирыстоны æттагонполитикон уагдоны сæргълæууæг балцы фæлгæтты ауагъта къорд фембæлды бæстæйы политикон æмæ æхсæнадон архайджытимæ, кæцыты дзырд цыдис дыууæтæн дæр цымыдисаг чи уыдысты, ахæм фарстатыл.

2013 азы 5-6 ноябры Фæскавказы æдасдзинад æмæ стабилондзинады фæдыл дунеон дискусситы фæлгæтты Женевæйы уагъд цыдис радон фембæлд. Хайад дзы райстой Республикæ Хуссар Ирыстоны, Гуырдзыстоны, Уæрæсейы Федерацийы, АИШ делегацитæ, афтæ ма ЕЦ, ЕЦÆО, ИНО минæвæрттæ дæр. Хуссарирыстойнаг делегацийы сæргъ лæууыдис фæсконфликтон ситуаци æрбæстон кæныны фæдыл Президенты æххæстбарджын минæвар Джиоты Мурæт.

2013 азы 14 октябры Приднестровьейы Республикæ Хуссар Ирыстоны Официалон Минæварады Сæргълæууæг С. Сураго фембæлдис Республикæ Хуссар Ирыстоны Приднестроваг Молдаваг Республикæйы Официалон Минæварады ногæй снысангонд сæргълæууæг Коцты Е.

Ныхасы рæстæджы С. Сураго æмæ Коцты Е. загътой, дарддæры сæ дыууæ дæр кæмæ цымыдис кæнынц, уыцы æмгуыстад хуыздæр кæныны тыххæй.

Фембæлды кæрон Коцты Е. кадджын уазджыты фыссæн чиныджы ныууагъта зæрдылдарæн фыст.

2013 азы 8 октябры Приднестроваг Молдаваг Республикæйы Республикæ Хуссар Ирыстоны Официалон Минæварады Сæргълæууæг Сураго С.В. æмæ йæ хæдивæг Мясников С.Ю. хайад райстой, горæт Бендерыйæн бындур æрæвæрыны 605 азы цытæн организацигонд чи ‘рцыдис, уыцы химæрайсты. Химæрайст уагъд цыд г. Бендерыйы Паддзахадон администрацийы агъуысты.

Ацы мадзалы хайад райстой Молдавийы Уæрæсейы Федерацийы Минæварады уынаффæгæнæг Скотаренко В.П. æмæ Молдавийы Уæрæсейы Зонад æмæ культурæйы центры къухдариуæггæнæг Давыденко С.В., г. Бендерыйы Администрацийы сæргълæууæг Гервазюк Ю.В., г. Бендерыйы горæтон советы депутаттæ, Приднестровьейы горæттæ æмæ районты къухдариуæггæнджытæ, æхсæнадон-политикон организациты минæвæрттæ æмæ горæт Бендерыйы кадджын æмбæстæгтæ.

2013 азы 2 октябры Республикæ Хуссар Ирыстоны Фæсарæйнаг хъуыддæгты министры хæдивæг Коцты Алан йæхимæ райста Республикæ Хуссар Ирыстоны уæвæг Венесуэлæйы Боливарианаг Республикæйы Минæварады уынаффæгæнæг Марко Хиль Касановайы æмæ Республикæ Хуссар Ирыстоны Венесуэлæйы Боливарианаг Республикæйы Минæварады Фыццаг секретарь Мария Габриела Руисы.

Хæларадон уавæрты чи ацыдис, уыцы цымыдисон фембæлды дывæрсыг ахастыты дарддæры рæзты фарстаты фæдыл сразы сты кæрæдзи хъуыдытимæ, бафидар кодтой сæ фæндондзинад социалон-экономикон æмæ культурон къабæзты практикон æмгуыстады дывæрсыг формæтæ дарддæр рæзын кæнын æмæ хуыздæр кæныны хъуыддагыл.

1 октябры Республикæ Хуссар Ирыстоны делигацийы официалон визиты фæлгæтты Республикæ Хуссар Ирыстоны Фæсарæйнаг хъуыддæгты министр Санахъоты Давидæн Республикæ Абхазы Фæсарæйнаг хъуыддæгты министрады фембæлд уыдис Республикæ Абхазы Фæсарæйнаг хъуыддæгты министр Вячеслав Чирикбаимæ. Фембæлды уыдысты Республикæ Абхазы Республикæ Хуссар Ирыстоны Уæлвæткон уавæрты æмæ Æххæстбарджын минæвар Боциты Олег æмæ Республикæ Абхазы Фæсарæйнаг хъуыддæгты министры хæдивæг Ираклий Хинтба.