Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

Printer-friendly version
3 майы Республикæ Хуссар Ирыстоны Фæсарæйнаг хъуыддæгты министр Джиоты Мурат йæхимæ райста Республикæ Хуссар Ирыстоны Æхсæнадæмон Сырх Дзуары Комитеты Минæварады Хъахъхъæнынады хайады сæргълæууæг Жюльен Колюмойы йæ миссийы фæуды охыл.


Джиоты Мурат бузныджы ныхæстæ загъта г-н Колюмойæн Республикæ Хуссар Ирыстоны Æхсæнадæмон Сырх Дзуары Комитеты Минæварады пайдахæссæг куысты йæ хайбавæрды тыххæй æмæ йын раарфæ кодта йæ дарддæры архайды æнтыстытæн.

Фембæлды рæстæджы дзырд цыд ацы аз 27 апрелы ауагъдгонд æбæрæгæй сæфт адæм агурыны фæдыл Æртæварсон координацион механизмы хатдзæгтыл. Уымæй дарддæр ма дзырд цыд Хуссар Ирыстоны Сырх Дзуары Минæварады гуманитарон æмæ барадхъахъхъæнæн архайдыл.

Ныхасы хайад райста РХИ ФХМ Æддагон бастдзинæдты управленийы сæргълæууæг.


Цхинвал, 2017 азы 3 май