Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



Брюсселы дарддæр цæуынц «Ирон культурæйы бонтæ», кæцытæ ныр цалдæр азы дæргъы æрвылаз уадзы ассоциаци «Ренесанс-Сæндидзæн» Пухаты Радионы сæргълæудæй. Баконды кадджын церемонийы хайад райста Республикæ Хуссар Ирыстоны Фæсарæйнаг хъуыддæгты министры хæдивæг Коцты А.К. Уый Республикæ Хуссар Ирыстоны Президент Бибылты А.И. номæй æмæ Фæсарæйнаг хъуыддæгты министр Медойты Д.Н. номæй бакаст арфæйы ныстуантæ.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



2 июны Республикæ Хуссар Ирыстоны Фæсарæйнаг хъуыддæгты министр Медойты Д.Н. йæхимæ райста къорд абитуриентты, кæцытæн Республикæ Хуссар Ирыстоны Фæсарæйнаг хъуыддæгты министрад радта ахуыры рекомендаци УФ ФХМ Дипломатон Академимæ.


Ныхасы рæстæджы Медойты Димитр бæстонæй æрдзырдта УФ Фæсарæйнаг хъуыддæгты министрады ацы кадджын уæлдæр ахуыргæнæндоны ахуырмæ бацæуыцы æмæ дзы ахуыр кæныны уавæртыл. Радта бæстон дзуаппытæ абитуриентты фарстатæн æмæ сын зæрдæ бавæрдта, Министрад лæмбынæгæй йæ хъус кæй дардзæн, Уæрæсейы Федерацийы æддагон-политикон хаххыл чи ахуыр кæны, уыцы студенты æнтыстытæм.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



2 июны Республикæ Хуссар Ирыстоны Фæсарæйнаг хъуыддæгты министр Медойты Димитр фембæлд Днестргæрон Молдаваг Республикæйы Официалон минæварад Республикæ Хуссар Ирыстоны сæргълæууæг Коцты Е.Э.


Æууæнкджын, хъарм æмæ конструктивон атмосферæйы уагъд ныхасы рæстæджы сæйраг хъусдард здæхт уыд хуссарирыстойнаг-днестргæройнаг хæларадон ахастыты дарддæры райрæзты актуалон фарстатæм.

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

pamyatkavr_2017_1030_240px.png

Республикæ Хуссар Ирыстоны делегаци Президент Бибылты А.И. сæргълæудæй хайад исы Петербурджы XXI æхсæнадæмон экономикон форумы (ПМЭФ).


Делегацийы сконды сты РХИ Финансты министр Хæбæлаты А.К. æмæ РХИ Уæлвæткон æмæ Æххæстбарджын Минæвар УФ-йы Гасситы З.Н.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



1 июны Республикæ Хуссар Ирыстоны Фæсарæйнаг хъуыддæгты министр Медойты Димитр йæхимæ райста Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.


Минæварæн арфæтæ ракæнгæйæ, Медойты Димитр бахахх кодта, Хуссар Ирыстон æмæ Абхазæн кæй ис традицион хæларадон ахастытæ æмæ абхазаг партнертимæ та æргом æмæ æууæнкджын диалог æддагон-политикон уагдæтты хаххыл.

Республикæ Хуссар Ирыстоны Фæсарæйнаг хъуыддæгты министрады пресс-релиз

Республикæ Хуссар Ирыстоны хæдбардзинад расидыны Акт райсыны боныл 25 аз сæххæсты цытæн

1992 азы майы 28-29 бонты Гуырдзыстоны хотыхджын агресси Хуссар Ирыстоны адæмы ныхмæ æмæ тугкалæн хæст куы сытынг сты, уæд Цхинвалы уагъд æрцыд Республикæ Хуссар Ирыстоны Уæлдæр Советы сесси, цыран ист æрцыд Хуссар Ирыстоны хæдбардзинад расидыны Акт.

Республикæ Хуссар Ирыстоны Фæсарæйнаг хъуыддæгты министрады фидиуæн

20 майы æрвылаз Хуссар Ирыстоны нысан кæнынц «Гуырдзиаг агрессийы амæттæгты мысæн бон». Ацы бон 25 азы размæ ирон хъæу Зармæ æввахс фæндагыл Гуырдзыстоны хотыхджын æфсад бакодтой æвирхъау фыдракæнд. Фæсфæдæй комкоммæ æхст æрцыд Хуссар Ирæй Цæгатмæ цæуæг лигъдæтты колоннæ. Ацы фыдракæнды фæстиуæгæн бабын 33 адæймаджы – сæ фылдæр сывæллæттæ, сылгоймæгтæ, зæрæдтæ, 20 адæймаджы бæрц райстой уæззау цæфтæ.

Республикæ Хуссар Ирыстоны Фæсарæйнаг хъуыддæгты министрады минæвары комментари

Женевæйаг Æхсæнадæмон Дискусситы Æмсæрдæртты Цхинвалмæ æрцыды фæстæ Гуырдзыстоны цы хъаугъа сæвзæрд, уый æфтауы дисы æмæ æвзæрын кæны фыдæнхъæлц Хуссар Ирыстонмæ ахасты Гуырдзыстоны политикæ цы приоритеттыл бындуриуæг кæны, уымæ. Ацы хатт та Тбилисы сæвзæрд, бамбарæн кæмæн нæй, ахæм карз реакци, Женевæйаг Æхсæнадæмон Дискусситы Европæйаг Цæдисæй Æмсæрдар г-н Герберт Зальберг фембæлды рæстæджы Республикæ Хуссар Ирыстоны Президент Бибылты Анантолийæн кæй раарфæ кодта йæ ног бынаты куысты райдианы охыл, уый тыххæй.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг



16 майы Цхинвалы уагъд æрцыд Женевæйаг дискусситы делегацийы хуссарирыстойнаг хайадисджыты, сæ сæргъ РХИ Фæсарæйнаг хъуыддæгты министры хæстæ æххæстгæнæг, Фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К. кусæгон фембæлд Женевæйаг дискусситы Фæскавказы æдасдзинад æмæ стабилондзинады фарстаты фæдыл æмсæрдæрттимæ ЕЦ, ОБСЕ æмæ ИНО-йæ, кæцытæ æрцыдысты Республикæмæ дискусситы радон раунды агъоммæ.


Фембæлды рæстæджы бæстонæй æрдзырдæуыд 20-21 июнмæ снысангод Женевæйаг дискусситы радон раунды рæстæджы ныхас цы проблемæтыл хъуамæ цæуа, уыдоныл. Женевæйаг дискусситы сæйраг фарстайæ зайы бакуыст юридикон тых кæмæн уыдзæн, ахæм дыууæварсон документыл Гуырдзыстоны æрдыгæй тыхæй ма спайда кæныны фæдыл.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

ypgtusevlgd5.jpg

10 майы Республикæ Хуссар Ирыстоны официалон делегаци Президент Бибылты А.И. сæргълæудæй ацыд г.Донецкмæ Донецкы Адæмон Республикæ расидыны æртыккаг азы цытæн бæрæгбонон мадзæлтты хайад райсыны охыл.


11 майы Республикæ Хуссар Ирыстоны Президент Бибылты А.И. æмæ Донецкы Адæмон Республикæйы Президент Захарченко А.В. сæ къухтæ æрфыстой Республикæ Хуссар Ирыстон æмæ Донецкы Адæмон Республикæйы æхсæн Хæларад, æмгуыстад æмæ кæрæдзийæн æххуысы тыххæй бадзырдыл.

Бадзырдмæ гæсгæ дарддæргонд цæудзæн æмахастыты райрæзт политикон, экономикон, социалон, культурон æмæ æндæр кæрæдзийæн цымыдис чи у, ахæм къабæзты.