Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Archive - 2010

November 12th

Республикæ Хуссар Ирыстоны Фæсарæйнаг хъуыддæгты министрады минæвары комментари

Дзыллон информацийы къорд фæрæзтæ апарахат кодтой хъусынгæнинаг мароккайиаг полиции æмæ æфсæддонтæ палаткæйы лагерь Грейм Изик кæй ныппырх кодтой, уый тыххæй. Лагерь сарæзтой бынæттон цæрджытæ горæт Эль-Аюнамæ хæстæг ныгуылæн Сахарайы хайы, кæцыйыл контроль кодта мароккайнаг администраци. Хъусын чындæуыдис, зæгъгæ, быцæуæмбæлды рæстæджы фæмард сты цалдæр адæймаджы, дæсгай адæймæгтæ фесты цæфтæ æмæ райстой травмæтæ, мароккайаг хицауиуæггæнджытæ дарддæр дæр ныхдуртæ аразынц, цæмæй журналисттæ уагъд ма ‘рцæуой Эль Аюнæйы районмæ.

November 3rd

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинагРеспубликæ Хуссар Ирыстонмæ национ къаддæрады фæдыл ОБСЕ Уæлдæр Къамисары Минæвар Кнут Воллебекы визиты тыххæй

3 ноябры Республикæ Хуссар ирыстонмæ æрцыдис национ къаддæрады фæдыл ОБСЕ Уæлдæр Къамисар, Минæвар Кнут Воллебек.

Минæвар Кнут Воллебекы йæхимæ райста РЮО Фæсарæйнаг хъуыддæгты министр Джиоты М.К. Фембæлды уыдысты фæсконфликтон уавæр æрбæстон кæныны фæдыл РХИ Президенты Æвджиддар Цоциты Б.Е., адæймаджы барты фæдыл РХИ президенты Æвджиддар Санахъоты Д.Г. æмæ РХИ Фæсарæйнаг хъуыддæгты министры фыццаг хæдивæг Плиты А.С.

October 28th

Республикæ Хуссар Ирыстоны Фæсарæйнаг хъуыддæгты министр Джиоты М.К. Комментарий информацион агентад «Рес»-æн.

Гуырдзыстоны президенты пресс-спикер Манана Манджгаладзе куыд фехъусын кодта, афтæмæй Гуырдзыстон фæнд кæны, цæмæй ОБСЕ декабры Саммиты равæра фарст бæстæмæ хъусдарæджы охыл ОБСЕ Мисси раздахыны тыххæй. Гуырдзыстоны хицауады ацы нысаны тыххæй ноджы конкретондæрæй та загъта Гуырдзыстоны фæфарайнагхъуыддæгты министры хæдивæг Нино Каландадзе, кæцы фехъусын кодта, зæгъгæ, официалон Тбилисимæ «ис стыр цымыдисдзинад, цæмæй ОБСЕ исты пайдатимæ раздаха фæстæмæ Гуырдзыстонмæ æмæ сын фадат уа Гуырдзыстоны оккупацигондтерриторийыл мониторинг æххæст кæнынæн».

October 27th

РХИ Фæсарæйнаг хъуыддæгты министры арфæйы тел Сент-Винсент æмæ Гренадины фæсарæйнаг хъуыддæгты æмæ базарады министрмæ Сен-Винсент æмæ Гренадины хæдбардзинады боны цытæн

Сент-Винсенты æмæ Гренадины паддзахады хæдбардзинады Боны цытæн, кæцы нысангонд цæуы 27 октябры, РХИ Фæсарæйнаг хъуыддæгты министр Джиоты М.К. арфæйы тел арвыста Сен-Винсентайы æмæ Гренадины Фæсарæйнаг хъуыддæгты министр Йæ Бæрзонддзинад Луис Хилтон Стрейкермæ.

Телы дзырд цæуы:

«1979 азы 27 октябры хæдбардзинад банымайыны Бон, кæцы ссис закъонбæрцадон фæстиуæг Сент-Винсенты æмæ Гренадины адæмы бирæнусон тохы фæстиуæг сæ сæрибардзинад æмæ хæдбардзинады сæраппонд тохты бындур нывæрдта Дæ паддзахады сæрибардзинад æмæ хæдбардзинады сæрибар рæзтæн.

October 19th

Уæрæсейы Федерацийы Фæсарæйнаг хъуыддæгты министрады хъусынгæнинаг Гуырдзыстоны æмæ Республикæ Хуссар Ирыстоны арæныл цæрæн пункт Перевийæ Уæрæсейы арæнхъахъхъæнæг посты ракæныны тыххæй

Хæларзæрдæйы уавæрты Уæрæсейы ‘рдыгæй фарс Хуссар Ирыстоны территоримæ ракодта Перевийы хъæумæ ‘ввахс ын чи уыдис (РХИ æмæ Гуырдзыстоны ныгуылæн арæн), йæ уыцы арæнхъахъхъæнæг посты. Уымæ цæттæгонд цыдис серьезон æгъдауæй. Уæрæсейы Æуасдзинады федералон службæйы хаххыл хæххон, зынбафтæн кæдæм у, уырдæм арæзт æрцыдис, йæ даргъ 10 километры кæмæн у, ахæм иувæрсты ахизæн фæндаг. Уый Карзманы комы иу кæны Хуссар Ирыстоны иннæ территориимæ æмæ ахсджиаг у бынæттон цæрæг ирæтты ифтонг кæнынæн.

October 12th

ПМР Фæсарæйнаг хъуыддæгты министрады арфææйы тел Приднестроваг Молдоваг Республикæйы æмæ Республикæ Хуссар Ирыстоны ‘хсæн хæлардзинад æмæ æмкуысткæнынады Бадзырдыл 16 азы сæххæсты Боны цытæн

Приднестроваг Молдоваг Республикæйы Фæсарæйнаг хъуыддæгты министрад зæгъы стыр кад кæй кæны Республикæ Хуссар Ирыстоны Фæсарæйнаг хъуыддæгты министрадæн æмæ йын æрвиты иууыл зæрдиагдæр арфæтæ Приднестроваг Молдоваг Республикæйы æмæ Республикæ Хуссар Ирыстоны ‘хсæн хæлардзинад æмæ æмкуысткæнынады Бадзырдыл къухтæ æрфыссыны 16 азы Боны цытæн.

July 19th

Республикæ Абхаз æмæ Республикæ Хуссар Ирыстоны делегациты иумиаг хъусынгæнинаг Фæскавказы æдасдзинад æмæ сабырдзинады сæраппонд дунеон дискусситы

Женевæ, 8 июня 2010 года

8 июны 2010 азы Женевæйы уагъд цыдис Фæскавказы æдасдзинад æмæ стабилондзинады фæдыл фæлгæтты дунеон дискусситы иуæндæсæм фембæлд. Медведев – Саркозийы 2008 азы 12 августы æмæ 8 сентябры сразыдзинæдтæм гæсгæ Женевайы уагъд цы дискусситæ цæуынц, уым æмбар бындурыл хайад исынц Абхазы, Республикæ Хуссар Ирыстоны, Гуырдзыстоны, Уæрæсейы, Америкæйы Иугонд Штаты делегацитæ.

РХИ Фæсæрайнаг хъуыддæгты Министры дзуапп ИА «Рес»-ы фарстæн АИШ-ы паддзахадон секретары хъусынгæнинады фæдыл

Фарст: Курæг дæ стæм, цæмæй нын комментаритæ саразат АИШ-ы паддзахадон секретарь Хилари Клинтоны ахæм хъусынгæнинагæн: «Вашингтон архайдзæн, цæмæй Гуырдзыстон æрцæуа деоккупацигонд».

July 8th

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

8 июлы Республикæ Хуссар Ирыстоны Фæсарæйнаг хъуыддæгты министрады Республикæ Никарагуæйы Уæлвæткон æмæ Æххæстбарджын Минæвар Республикæ Хуссар Ирыстоны Молина Куадра æмæ Республикæ Венесуэлæйы Уæлвæткон æмæ Æххæстбарджын Минæвар Республикæ Хуссар Ирыстоны Уго Хосе Гарсия Эрнандес цытджын æгъдауæй радтой Республикæ Хуссар Ирыстны Фæсарæйнаг хъуыддæгты министр Джиоты Кузьмæйы фырт Муратæн æууæнчы чингуыты халдихтæ.
Баныхасы рæстæджы дзырд цыд иуымиаг цымыдис чи æвзæрыне кæны, къорд ахæм фарстытыл, уыцы нымæцы - паддзахæдты æмкуыстгæнынады фадæттæ.

2010 азы 8-æм июль,

June 25th

РХИ Фæсарæйнаг хъуыддæгты министры дзуапп ИА – «Рес»-ы фарстатæн 2008 азы Хуссар Ирыстоны хæстон конфликты, йæ сæргъ Хайди Тальявини кæмæн лæууыд, Евроцæдисы уыцы къамисы сæйраг хайдзæгты тыххæй

Фарст: Европарламент рахæцыдис, йæ сæргъ Хайди Тальявини кæмæн лæууыдис Евроцæдисы уыцы дунеон хæдбар къамисы басгæрсты сæйраг доклад, кæцымæ гæсгæ Хуссар Ирыстоны хæст райдыдта Гуырдзыстон. Дæ хъуыдымæ гæсгæ Тальявинийы хатдзæгтæ бандавдзысты, Ныгуылæны ныртæккæйы Гуырдзыстоны режимы `вварс чи кæны, уыдон политикæйыл?