Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Ответы Министра иностранных дел РЮО

Республикæ Хуссар Ирыстоны Фæсарæйнаг хъуыддæгты министр Санахъоты Д.Г. интервью ИА REGNUM-æн

int700.jpg

Абон, 18 марты, Мæскуыйы къухтæ фыст æрцæудзысты æмцæдисад æмæ интеграцийы фæдыл Бадзырдыл Уæрæсе æмæ Хуссар Ирыстоны ‘хсæн. Цахæм конкретон позитивон ивындзинæдтæ гæнæн ис æмæ æрцæуой, РХИ æмæ Уæрæсейы `хсæн бадзырд цæмæн ссис æнæууæнчы вотум рахæссыны `фсон, уый тыххæй ИА REGNUM-ы уацхæссæгæн дзуаппытæ дæтты Республикæ Хуссар Ирыстоны æддагонполитикон уагдоны сæргълæууæг Санахъоты Дауыт.


— Къухтæ 18 марты кæй æрцæудзысты фыст, уый, кæй зæгъын æй хъæуы, у символикон. Иу азы размæ Хъырым æрбаиу Уæрæсеимæ. Æмæ абон, кæд ыл уынаффæ кæныны рæстæджы фæзындысты вазыгджындзинæдтæ, уæддæр кæройнаг, ногæй бакуыстгонд, уыцы нымæцы уæрæсейаг уагдæтты дæр, бадзырды вариантыл сæ къухтæ æрфысдзысты Хуссар Ирыстоны Президент Тыбылты Леонид æмæ Уæрæсейы Президент Владимир Путин. Мæн уырны, уыцы къухæрфыст кæй суыдзæнис нæ паддзахадты ‘хсæн æхсæнпаддзахадон ахастыты рæзты радон этап.

Республикæ Хуссар Ирыстоны Фæсарæйнаг хъуыддæгты министр Санахъоты Д.Г. дзуаппытæ дзыллон информацийы фæрæзтæн

sanakoev.jpg

- Дауыт Георгийы фырт, Украинæйы абоны ситуаци æмæ Ныгуылæны санкцитæ хынцгæйæ, Уæрæсейы æмæ йе ‘мцæдисонты алыварс ситуацийæн æсаргъгæнæн ис, куыд тынг æндыгъд, афтæ. Уæрæсе у Хуссар Ирыстоны сæйраг стратегион партнер. Æмæ уæдæ куыд скъуыдзаг цæуынц арæнты æдасдзинады æмæ сæ фидар кæныны фарстатæ, уæлдайдæр та уый æмæ ныры онг дæр къухтæ фыст нæма ‘рцыдысты, Гуырдзыстон тыхæй, цæмай ма спайда кæна, уыцы юридикон æгъдауæй хæсджынгæнæг бадзырдыл?


- Æцæгæйдæр, фæстаг рæстæджы дунеон æмæхсæнад æвзары дунеон ахастыты рæзты ног, вазыгджын системæ. Ацы процесс, куыд зыны, афтæмæй уыдзæнис дæргъвæтин æмæ йæ фидæн та, зын рахатæн кæмæн у, ахæм. Азæй-азмæ фылдæр кæны æнæаскуыдзаг проблемæты уылæн æмæ ног, тæссаг хъуыддæгтæ адæймагады æдасдзинад æмæ рæзтæн. Уæрæсейы æппынæдзух дæр хъæуы импровизаци кæныны сæр æмæ æвæстиатæй дунейы стабилондзинады ифтонг кæныны мадзæлттæ агурын.

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. брифинг Республикæйы дзыллон информацийы фæрæзтæн Италимæ балцы фæстиуджыты фæдыл

РХИ Фæсарæйнаг хъуыддæгты министр Санахъоты Давид: Цытджын журналисттæ!


Нæ паддзахады æттагонполитикон курс æххæст кæнгæйæ, кæцы бæлвырдгонд цæуы Фæсарæйнаг хъуыддæгты Уагæвæрдæй, нæ Конституцийæ æмæ Президенты æрвылазон Ныстуанæй уыдис нæ балц Италимæ, кæцыран политикон, экономикон æмæ культурон сферæты куыстам нæ ахастыты рæзты фарстатыл. Цалдæр фембæлды уагъд æрцыдысты Италийы парламентарон-политикон партиты минæвæрттимæ. Фембæлдыстæм ма бизнесментимæ дæр. Уыдонимæ куыстам экономикон æмкуысткæнынад æрбæстон кæныныл, инвестицитæ йæм æрбакæныныл. Нæ италиаг коллегæтæ æмæ хæлæртты ‘рдыгæй ацы фарстаты кæрæдзи хорз бамбæрстам.

Республикæ Хуссар Ирыстоны Фæсарæйнаг хъуыддæгты министр Санахъоты Д.Г.интервью ИА «Рес»-æн

sanakoev.jpg

- Дæ хорзæхæй, радзур ма нын ивгъуыд азы Хуссар Ирыстоны Фæсарæйнаг хъуыддæгты министрады къухты цахæм бындурондæр æнтыстытæ бафтыдысты, уыдон тыххæй?


- 2013 азы Фæсарæйнаг хъуыддæгты министрад йæ архайд дарддæр кодта Республикæ Хуссар Ирыстоны Конституцимæ гæсгæ, закъондæттынадон æмæ нормативон-барадон базæмæ гæсгæ. Фæсарæйнаг хъуыддæгты министрады архайды бындурондæр фæдæздæхт уыдис Республикæ Хуссар Ирыстоны æттагон политикæйы иумиаг стратеги бакусын æмæ Президент кæй амоны, паддзахады уыцы иумиаг æттагонполитикон курс сæххæст кæнын. Ацы хæстæ Фæсарæйнаг хъуыддæгты министрадыл æвæрд сты «Республикæ Хуссар Ирыстоны Фæсарæйнаг хъуыддæгты министрады тыххæй» Уагæвæрдмæ гæсгæ, Республикæ Хуссар Ирыстоны 2005 азы 27 апрелы Указ «Республикæ Хуссар Ирыстоны Фæсарæйнаг хъуыддæгты министрады координацигæнæг ролы тыххæй иууон æттагонполитикæ уадзыны фæдыл». 2013 азы 5 азы сæххæст Уæрæсе Хуссар Ирыстоны хæдбардзинад куы банымадта, ууыл. Афтæ æмæ 2013 аз у сæрмагондæй зæрдылдаринаг. 2013 азы 30 апрелы Президент Тыбылты Леонид Харитоны фырт адæммæ æмæ Парламентмæ йæ ныстуаны бафидар кодта Хуссар Ирыстонæн сæйраг æмæ стратегион партнер Уæрæсе кæй у, уый. Уымæ гæсгæ Уæрæсейы Федерациимæ дарддæр дæр хæлар ахастытæ рæзын æмæ арфдæр кæнын у нæ куысты приоритетон фæдæздæхт.

Республикæ Хуссар Ирыстоны Фæсарæйнаг хъуыддæгты министр Санахъоты Д.Г. интервью газет «Южная Осетия»-йæн

sanakoev.jpg

- Вильнюсы саммит «Восточное партнерство»-йы цыдирæстæджы Гуырдзыстон рагацау йæ къух æрфыста дунеон бадзырдыл ЕЦ ассоциацийы тыххæй æмæ йыл кæройнаг фыст æркæнын та плангонд цæуы фидæнмæ азы, фæлæ ныридæгæн хъусын кæнынц экономикон æгъдауæй Евроцæдисы æмæ Гуырдзыстоны иумиаг проектмæ Хуссар Ирыстоны æмæ Абхазы баласыны тыххæй. Уымæй дарддæр ма дунеон организациты минæвæртты, афтæ ма хицæн ангажиргонд уæрæсейаг эксперттæ фæстаг афæдз æмæ æрдæджы дæргъы, уæлдайдæр та Гуырдзыстоны хицауадмæ « Грузинская мечта» куы ‘рцыдис, уæд арæхæй-арæхдæр хъуысынц ахæм хъусынгæнинæгтæ, зæгъгæ, æнæмæнгхъæуæг у Республикæ Хуссар Ирыстоны æмæ Гуырдзыстоны ‘хсæн уынаффæ хъæуы деполитизаци кæнын, ахастытæ æндидзын кæнын хъæуы экономикон æмæ гуманитарон сферæтæй. Хуссар Ирыстон куыд фæнд кæны йе ‘ттагон политикæ аразынмæ ацы фактортæ хынцгæйæ, æмæ куыд йæ хъавд у, Гуырдзыстон æй алыгъуызон экономикон æмæ гуманитарон проекттæм кæй ласы, уый тыххæй йын цахæм реакци уыдзæнис?


- Мах бынтондæр никуы дызæрдыг кодтам Гуырдзыстон Хуссар Ирыстонмæ ахасты кæй фæивдзæнис йæ стратегион здæхт æмæ нысæнттæ, ууыл. Ам уыдон, кæй зæгъын æй хъæуы, пайда кæнынц Хуссар Ирыстон сæхирдыгæй фæкæнынæн сын цыдæриддæр феххуыс уа, уыцы алыгъуызон мадзæлттæй.

Республикæ Хуссар Ирыстоны Фæсарæйнаг хъуыддæгты министр Санахъоты Д.Г. интервью ИА «Рес»-æн

sanakoev.jpeg

- Абоны бонмæ Фæсарæйнаг хъуыддæгты министрадæн йæ куысты приоритетон цахæм фæдæздæхтытæ сты?


- Сæйраджыдæр уый æмæ нын нæ æттагонполитикон архайды бындуронæй приоритетон у Республикæ Хуссар Ирыстоны дунеон æмæхсæнады аккаг бынатæй ифтонг кæнын. Æттагон политикæйы къабазы æнтыстытæ æнæфæхицæнгæнгæйæ баст сты паддзахадæн йæхи динамикон рæзтимæ, уымæ гæсгæ æппæт тыхтæ дæр мах хъуамæ аздахæм, цæмæй Республикæ Хуссар Ирыстоны имидж скæнæм иууыл химæлвасгæдæр дунейы æппæт бæстæты.

Республикæ Хуссар Ирыстоны Фæсарæйнаг хъуыддæгты министр Санахъоты Давиды комментарий ПТРК «Ир»-æн

intervyu_d._sanakoeva_1.jpg

2013 азы 17 сентябры нысан цæуы Уæрæсейы Федераци æмæ Республикæ Хуссар Ирыстоны ‘хсæн Хæлардзинад, æмгуыстад æмæ кæрæдзийæн æххуысы фæдыл бадзырдыл къухтæ æрфыссыны 5 азы сæххæсты бон. Ацы боны нысаниуæджы тыххæй ПТРК «Ир»-æн йæ интервьюйы комментарий радта Республикæ Хуссар Ирыстоны Фæсарæйнаг хъуыддæгты министр Санахъоты Давид.


- Уæрæсейы Федераци æмæ Республикæ Хуссар Ирыстоны ‘хсæн 2008 азы 17 сентябры къухтæ фыст кæуыл æрцыдысты, уыцы Хæлардзинад, æмгуыстад æмæ кæрæдзийæн æххуысы фæдыл бадзырд нæ адæмтæн у стыр нысаниуæг кæмæн ис, ахæм. Уый бындур æрæвæрдта нæ паддзахæдты ‘хсæн дывæрсыг ахастытæ саразыны хъуыддаджы, нæ бæстæйы æдасдзинад æмæ стабилондзинадæн сарæзта фидар гаранти. Хæлардзинад, æмгуыстад æмæ кæрæдзийæн æххуысы фæдыл бадзырд Хуссар Ирыстонæн экономикон æмæ социалон рæзты гæнæнтæн дæтты максималон фадат.

Республикæ Хуссар Ирыстоны Фæсарæйнаг хъуыддæгты министрады Фыццаг хæдивæг Цхуырбаты Казбулаты интервью ПТРК «Ир»-æн

kazbulat_1.jpg

2013 азы 9 сентябры нысан цæуы Республикæ Хуссар Ирыстоны æмæ Уæрæсейы Федерацийы ‘хсæн дипломатон ахастытæ арæзт куы ‘рцыдысты, ууыл фондз азы сæххæсты бон. Ацы нысаниуæгджын боны нысаниуæджы тыххæй ПТРК «Ир»-æн йæ интервьюйы комментарий дæтты РХИ Фæсарæйнаг хъуыддæгты Министры фыццаг хæдивæг Цхуырбаты Казбулат.


- Абон мах нысан кæнæм, æцæгæйдæр, стыр историон цауы бон – Республикæ Хуссар Ирыстон æмæ Уæрæсейы Федерацийы ‘хсæн дипломатон ахастыты сырæзт, кæцы у 2008 азы 26 августы Уæрæсейы Федераци Республикæ Хуссар Ирыстоны хæдбардзинад куы банымадта, уыцы æндæр нысаниуæгджын боны логикон адарддæр. Дарддæр 2009 азы 20 январы Республикæ Хуссар Ирыстоны Фæсарæйнаг хъуыддæгты министрады æмæ Уæрæсейы Федерацийы Фæсарæйнаг хъуыддæгты министрады ‘хсæн къухтæ фыст æрцыдысты дунеон æмкуысткæнынады кæрæдзи æмбарыны фарстаты фæдыл Меморандумыл, кæцыйы нысангонд у Республикæ Хуссар Ирыстоны размæцыды рæзты хъуыддаджы Уæрæсейы æххуысы тыххæй æртыккæгæм паддзахадтимæ дунеон организациты йæ хайадист, афтæ ма Уæрæсейы ‘рдыгæй фарс цæттæ кæй у Республикæ Хуссар Ирыстоны интерестæ æртыккæгæм паддзахадтæм бавдисынмæ Уæрæсейы Федерацийы дипломатон минæварадты фæрцы.

Республикæ Хуссар Ирыстоны Фæсарæйнаг хъуыддæгты министр Санахъоты Давиды интервью газет «Южная Осетия»-йæн

sanakoev.jpeg

Уæрæсейы Федераци Хуссар Ирыстоны хæдбардзинад кæй банымадта, ууыл фондз азы кæй сæххæст, уый фæдыл


- 26 августы 5 азы æххæст кæны Уæрæсейы Федераци Хуссар Ирыстоны суверенитет куы банымадта, ууыл. Цахæм нысаниуæг ис 2008 азы августы Уæрæсейы ацы фæндвидар уынаффæйæн Хуссар Ирыстоны адæмы царды?

- Æцæгæйдæр, 26 августы фондз азы æххæст кæны Уæрæсейы Федераци Республикæ Хуссар Ирыстоны хæдбардзинад куы банымадта, ууыл. Уыцы бон, 2008 азы, Уæрæсейы Федерацийы Президент Д.А. Медведев райста, Хуссар Ирыстоны æмæ Абхазы адæмтæн хъысмæтхæссæг чи уыдис, ахæм уынаффæ – йæ къух æрфыста Уæрæсейы Федераци Республикæ Хуссар Ирыстоны æмæ Абхазы хæдбардзинад кæй банымадта, уыцы Указыл.

Республикæ Хуссар Ирыстоны Фæсарæйнаг хъуыддæгты министр Санахъоты Давиды интервью Информацион агентад «Рес»-æн

- 8 августы Хуссар Ирыстон нысан кæндзæнис Гуырдзыстоны агрессийы райдианы фондз азы бæрæгбон. Уыцы фондз азыл цæст ахæсгæйæ, гæнæн ис æмæ зæгъæм, хæстæй фервæзынæн гæнæн уыдис зæгъгæ?


- 2008 азы августы Гуырдзыстон радон хатт æрбабырста Хуссар Ирыстоны территоримæ. Ацы æрбабырст нæ нырыккон историйы уыдис иууыл дæрæнгæнæндæр æмæ тугкалæндæртæй сæ иу. Фæлæ æз цæхгæрæй рæзы нæ дан ахæм формулировкæйыл, зæгъгæ, ацы бонты мах нысан кæнæмгуырдзиаг агрессийы райдианы фондз азы – гуырдзиаг агрессийы нырыккон истори райдыдта 1989 азæй. Махæн нæй йæ ферох кæныны бар. Растдæр уæд райдыдта «Гуырдзыстон – гуырдзиæгтæн»-ы политикæ, кæцы дарддæр кæны абоны онг дæр, кæд гуырдзиаг къухдариуæгады адæймæгтæ кæрæдзийы фæдыл ивд цыдысты, уæддæр. Растдæр уæд райдыдта нæ адæмы тох хæдбардзинады сæрыл, хæдбардзинад, фыццаджыдæр, та Гуырдзыстонæй. Махæн бар нæй æмæ ферох кæнæм зары фæндагыл куыд фехстой лигъдæтты, ирæтты удгасæй куыд ныгæдтой гуырдзиаг хъæу Ереды, цахæм фыдмитæ кодтой адæмæн…