Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Комментарии МИД РЮО

Республикæ Хуссар Ирыстоны Фæсарæйнаг хъуыддæгты министрады комментари

8 сентябры АИШ-ы Конгрессы минæвæртты Палатæ хъæлæсты абсолютон фылдæр хайы бындурыл райста Резолюци 660, цыран, реалондзинадæй бынтон иппæрд чи у, ахæм мификон терминтæ «территориалон иудзинад»-ы æмæ Уæрæсейы æрдыгæй «Гуырдзыстоны районты оккупаци»-йы тыххæй тезистæй дарддæр ма ис сидт Гуырдзыстонæн «хи бахъахъхъæныны фадæттæ» радтынмæ.

Республикæ Хуссар Ирыстоны Фæсарæйнаг хъуыддæгты министр Джиоты М.К. комментари Боливариайнаг Республикæ Венесуэлæ Республикæ Хуссар Ирыстоны хæдбардзинад банымайыны 7-æм афæдзыбоны фæдыл

imgonline-com-ua-2to1-ldqws6lzdl1r.jpg

2009 азы 10 сентябры Республикæ Хуссар Ирыстоны паддзахадон хæдбардзинад банымадта Боливариайнаг республикæ Венесуэлæ, уый сси не’взонг Республикæйы царды ахсджиаг политикон цау. Венесуэлæ – æртыккаг бæстæ, кæцы Уæрæсе æмæ Никарагуайы фæстæ, йæхицæн зын рæстæг куы уыд, уæд райста ахæм бæрнон æмæ ахсджиаг уынаффæ, уый тыххæй Хуссар Ирыстоны адæм кæддæриддæр бузныг уыдзысты Венесуэлæйæ.

Республикæ Хуссар Ирыстоны фæсарæйнаг хъуыддæгты министрады комментарий

5 июлы, ОБСЕ-йы Парламентон ассамблейæн Тбилисы цы сесси цыд, уым райстæуыд, гуырдзыйы делегаци кæй бацæттæ кодта, уыцы резолюци, «Конфликт Гуырдзыстоны», зæгъгæ, йæ ном.

Республикæ Хуссар Ирыстоны фæсарæйнаг хъуыддæгты министрады комментарий

Нæ хъус æрдардтам, Республикæ Хуссар Ирыстоны референдум Уæрæсейы Федерацийы скондмæ бацæуыны тыххæй ауадзыны фæдыл АИШ-ы Паддзахадон департаменты официалон минæвары раныхасмæ.


Радон хатт та загъд æрцыдысты, 24 азы размæ йæ актуалондзинад чи фесæфта, уыцы ныхæстæ канд Гуырдзыстоны территориалон æнæхъæндзинады тыххæй нæ, фæлæ ма бынтон æнæбындур ныхæстæ Хуссар Ирыстоны ахæм референдум ауадзыны тыххæй дæр.

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполаты комментарий ÆИА «Южная Осетия»-йæн

Фæстаг рæстæджы дунейы сарæхгонд террористон атакæтæ æвдисынц, æхсæнадæмон терроризмæй кæй ничи у хъахъхъæд, уый. Терроризмæн арæнтæ нæй æмæ æппæт дунейæн дӕр у тæссаг. Сусæггаг нæу, арæх спецслужбæтæ сæхæдæг кæй вæййынц террористон актты организацийы хайджын, уый. 2005-2008 азты РХИ-ы территорийыл Гуырдзыстоны спецслужбæтæ сарæзтой 22 теракты, уыдон фæстиуæгæн 16 адæймаджы фæмард, 34 æмбæстаджы цæфтæ фесты æмæ дзы иутæ та систы инвалидтæ.

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполаты комментарий ÆИА «Южная Осетия»-йæн

Бельгийы террористон атакæты фæдыл

Республикæ Хуссар Ирыстоны Фæсарæйнаг хъуыддæгты министр Цхуырбаты Хъасполат бельгиаг сæйраг горæты цы террористон атакæтæ æрцыд æмæ уыдон фæстиуæгæн цы бирæнымæц адæм фæмард æмæ фæцæф ис, уый фæдыл равдыста йæ цæхгæр æнæразыдзинад. «Мæсæллæй зæгъæм бæстæйы хицауадæн æмæ мæрдджынты бинонтæн. Хуссар Ирыстон хорз зоны, теракт цы у, уый, æмæ мах сидæм дунеон æмæхсæнадмæ, цæмæй баиу кæной æппæт тыхтæ ацы фыддзинады ныхмæ».

Цхинвал, 2016 азы 22 март

Республикæ Хуссар Ирыстоны Фæсарæйнаг хъуыддæгты министрады комментарий

27 январы Æхсæнадæмон уголовон тæрхондоны развæлгъау æркасты палатæ сфидар кодта, 2008 азы 1-æм июлæй 10-æм октябрмæ «Хуссар Ирыстон æмæ йæ алфæмблай» цы хæстон фыдракæндтæ, стæй адæймагдзинады ныхмæ фыдракæндтæ æрцыд арæзт, уыдон раиртасыны тыххæй ÆУТ-ы прокурор Фату Бенсудайы домæн.


Республикæ Хуссар Ирыстон разы у ацы уынаффæимæ æмæ, кæд Ромаг Статуты архайд нæ территоримæ нæ æххæссы, уæддæр æвдисы объективон æмæ профессионалон фæдæсгæрстæн ахъаз кæнынмæ цæттæдзинад.

ÆИА «Хуссар Ирыстон абон»-æн РХИ Фæсарæйнаг хъуыддæгты министр Цхуырбаты Хъасполаты комментарий

РХИ æмæ УФ-йы æхсæн æмцæдис æмæ интеграцийы тыххæй Бадзырды фæлгæтты уæлæмхас фидыдтытæ саразыны рæстæджы «пакетон принцип»-æй спайда кæныны гæнæнты фæдыл

Æхсæнадæмон ахастыты цалдæр дыууæварсон фидыды уыцы иу рæстæджы æрфыссыны практикæ ис, фæлæ стæм хатт æмбæлы. Арæхдæр уый саразынц бæстæты сæргълæуджыты визит кæнæ стыр æхсæнадæмон форумы рæстæджы. Уæд вæййы дзурæн æхсæнадæмон фидыдтыты пакетыл къухтæ æрфыссыныл. Ацы практикæ æнæмæнгхъæуæг нæу.

Республикæ Хуссар Ирыстоны Фæсарæйнаг хъуыддæгты министрады комментарий

2015 азы 18 декабры Еврокъамис ныммыхуыр кодта, Гуырдзыстон Евроцæдисимæ визæйон режим фæхуымæтæгдæр кæныны охыл Архайды пъланы куыд сæххæст кодта, уый фæдыл æвæрццаг хыгъд.


Европæйаг визæйон режим либерализаци кæныны тыххæй Евроцæдисы æмбæлон политикон уынаффæйы райстмæ нæ банхъæлмæ кæсгæйæ, Гуырдзыстоны дзурын райдыдтой, Шенгены зонæйы бæстæтæм, Республикæ Хуссар Ирыстон æмæ Республикæ Абхазы цæрджытæн æнæкъуылумпыйæ цæуыны тыххæй Гуырдзыстоны биометрион паспорттæ дæттыны хъуыддаг фæхуымæтæгдæр кæныны гæнæнтыл.

Фæсарæйнаг хъуыддæгты Министры хæдивæг Коцты Аланы комментари

Тбилисы территориалон амбициты фæдыл

Тбилисы дарддæр фантазитæ кæнынц сæ территориалон амбициты фæдыл, уымæн æвдисæн у Паата Закареишвили æрæджы цы фидиуæн сарæзта, уый. Фидиуæны уый йæ хъуыдытæ нывæнды гуырдзиаг паддзахаддзинад искæй терииторитыл саразыны варианттыл.