Республикæ Хуссар Ирыстон ис Кавказаг хæхты хуссарварс.
Йæ фæзуат у 3900 квадратон километры. Йæ сæйраг сахар у Цхинвал.
Йæ зæххы дæсæм хай йын ахсынц хохрæбынтæ.
Иннæ зæхх та у хæххон, 850-æй 3938 метры онг денджызы сæрмæ.
Иууыл бæрзонддæр хох у Халаца (3938 метры).

Комментарии МИД РЮО

Республикæ Хуссар Ирыстоны Фæсарæйнаг хъуыддæгты министрады комментарий

16-æм ноябры уагъд æрцыд ЕЦ-Гуырдзыстоны ассоциацийы советы дыккаг рабадт, цыран Евроцæдис радон хатт «бафидар кодта, Гуырдзыстоны территориалон иудзинад кæй нымайы, уый» æмæ тыхстдзинад равдыста Хуссар Ирыстон æмæ Уæрæсейы Федерацийы æхсæн æмцæдис æмæ интергацийы тыххæй Бадзырдыл фæдыл.

Республикæ Хуссар Ирыстоны Фæсарæйнаг хъуыддæгты министрады пресс-службæйы минæвары Джиоты М.О. комментарий

9 ноябры каталониаг парламент, æмбæлон резолюци райсгæйæ, райдыдта автономон æмæхсæнады Испанийæ ахицæн кæныны процесс.


Ацы резолюцимæ Мадриды æмæ æмткæй ЕЦ карз реакцимæ нæ кæсгæйæ, нæ ныфс ис, дыууæ фарсмæ дæр кæй разындзæнис хиуылхæцындзинад æмæ кæй баззайдзысты сабырадон политикон инструментарийы фæлгæтты цы хъаугъайаг фарстытæ сæм фæзына, уыдон скъуыддзаг кæнгæйæ, æнтысгæйæ кæй райдайдзысты Европæйы демократон æргъадтæ афтæ уæрæх чи пропаганда кæны, уыдоны амындмæ хъусгæйæ.

Республикæ Хуссар Ирыстоны Фæсарæйнаг хъуыддæгты министрады комментарий

БНО Уæрæсейы Федерацийы Æдзухон минæвар В.И. Чуркины раныхасы фæдыл

Баиугонд Нациты Организацийы Уæрæсейы Æдзухон минæвар Виталий Чуркин БНО Æдасдзинады Советы æмбырды 20 октябры æрсидтис, цæмæй АИШ йæ къух сиса бæстæйы уавæрæй фыдхъомыс кæныныл, кæцы йæхимæ исы æппæтдунеон организацийы. Сæрмагондæй ныхас цыдис Хуссар Ирыстон æмæ Абхазы минæвæртты ахасты визæйон дискриминацийыл, кæцытæн æрымысæггаг аххосæгтæм гæсгæ АИШ-ы хицауад бар нæ дæтты бæстæмæ бацæуынæн. Уымæй Хуссар Ирыстон æмæ Абхазæн нæ дæттынц лигъдæтты проблематикæйы фæдыл паддзахадтæ-хайадисджытæм дзырд куы фæцæуы, уæд уыдонæн объективон информаци радтыны фадат, кæцыты æрвылаз дæр Гуырдзыстон рахæссы БНО Генералон Ассамблеймæ.

Республикæ Хуссар Ирыстоны Фæсарæйнаг хъуыддæгты министры хæдивæг Коцты А.К. комментарий

Æхсæнадæмон уголовон тæрхонгæнæг Фату Бенсуда 2008 азы августы цауты фæдагуырды сног кæныны фæдыл

Æхсæнадæмон уголовон тæрхондоны прокурор Фату Бенсуда официалонæй ракуырдта ÆУТ-æй 2008 азы августы цаутыл, Гуырдзыстон радон хатт Хуссар Ирыстоны ныхмæ æххæстмасштабонæй агресси куы сарæзта, ууыл ног фæдæсгæрст ауадзыны тыххæй санкци.

Республикæ Хуссар Ирыстоны Фæсарæйнаг хъуыддæгты министр Цхуырбаты К.И. комментарий МИА «Хуссар Ирыстон абон»-æн Уæрæсейы Федерацийы Президент В.В. Путин БНО ГА 70-æм сессийы кæй раныхас кодта, уый фæдыл

img_0996.jpg

Ацы бонты æппæт дунеон æмæхсæнады хъусдард здæхт у БНО ГА 70-æм юбилейон сессийы цы цаутæ цæуынц, уыдонмæ.


Уæрæсейы Президент Владимир Путин 2015 азы БНО Генералон Ассамблейы, æнæмæнг, æнхъæлмæ кæмæ кастæуыдис, йæ уыцы раныхасы радзырдта, дунейы цæугæ цаутæ Уæрæсе цахæмæй уыны, Æввахс Скæсæн æмæ Украинæйы проблемæты тыххæй.

Æз Уæрæсейы Президенты раныхасмæ хъуыстон стыр цымыдисимæ. Сусæггаг никæмæн у, Хуссар Ирыстоны политикон ориентаци кæддæриддæр здæхт кæй уыди Уæрæсейы Федерацийы ‘рдæм. Уымæ гæсгæ, хицæн фарстаты Уæрæсейы боны фæткы позицитыл бирæбæрцæй баст у Республикæ Хуссар Ирыстоны æддагонполитикон ориентаци дæр.

Республикæ Хуссар Ирыстоны æмæ Уæрæсейы Федерацийы ‘хсæн æмцæдисад æмæ интеграцийы фæдыл Бадзырдмæ уæлæмхас сразыдзинæдтæ бахæссыны тыххæй

2015 азы 18 марты Республикæ Хуссар Ирыстоны Президент Тыбылты Л.Х. æмæ Уæрæсейы Федерацийы Президент В.В. Путин сæ къухтæ ‘рфыстой Республикæ Хуссар Ирыстоны æмæ Уæрæсейы Федерацийы ‘хсæн æмцæдисад æмæ интеграцийы фæдыл Бадзырдыл.


Бадзырды 14-æм статьямæ гæсгæ уый йæ тыхы бацыдис 2015 азы 30 июлы, кæрæдзимæ ратификацион грамотатæ куы радтой, уæдæй фæстæмæ.

Республикæ Хуссар Ирыстоны Фæсарæйнаг хъуыддæгты министр Цхуырбаты К.И. комментарий дзыллон информацийы фæрæзтæн РХИ Фæсарæйнаг хъуыддæгты министрады цур Экспертон совет арæзт кæй æрцыдис, уый фæдыл

img_0996.jpg

Фæсарæйнаг хъуыддæгты министры Бардзырдæй Республикæ Хуссар Ирыстоны арæзт æрцыдис Экспертон совет. Советы куысты сæ бон у хайад райсой политологтæн, ахуыргæндтæн, эксперттæ-аналитиктæн æмæ æхсæнадон архайджытæн. Экспертон совет конд уыдзæнис æдзухон уæнгтæй (уыдон уыдзысты Республикæ Хуссар Ирыстоны æмбæстæгтæ), афтæ ма конкретон рабадты теметикæмæ гæсгæ дæр Советмæ хуынд цæудзысты æндæр, уыцы нымæцы фæсарæйнаг эксперттæ дæр.


Экспертон совет саразыны хъуыды фæзындис, хъуыдытæ кæрæдзийæн радзурыны сæраппонд æдзухон фæзуаты æнæмæнгхъæуындзинадæй. Экспертон советы архайды фæлгæтты экономисттæн, ахуыргæндтæн, политологтæн уыдзæнис сæ хъуыды зæгъыны æмæ актуалон æттагон политикæйы сæ цæстæнгас æвдисыны фадат. Экспертты хъуыды гæнæн ис æмæ иттæг пайда фæуа æттагонполитикон хæстæ æххæст кæныны хъуыддагæн.

Республикæ Хуссар Ирыстоны Фæсарæйнаг хъуыддæгты министрады пресс-службæйы хъусынгæнинаг

17 июлы Гуырдзыстоны Фæсарæйнаг хъуыддæгты министрад сæрмагонд хъусынгæнинаджы æвзæрыл банымадта Уæрæсейы Хъахъхъæнынады министрады 58-æм арми Хуссар æфсæддон округы æмæ Хуссар Ирыстоны цы æфсæддон ахуыртæ ауагъта, уыдон æмæ сæ схуыдта «провокацион архайдтытæ».

Республикæ Хуссар Ирыстоны Фæсарæйнаг хъуыддæгты министрады комментарий

Хуссар Ирыстоны æнæразыдзинадимæ сæмбæлдысты, хуссарирыстойнаг спортсментæн Венгрийы хицауад виза раттыныл кæй не сразы ис, æмæ Хæдбар футболон ассоциаци (ConIFA) футболæй цы хъæзтытæ уадзы Европæйы чемпионаты фæлгæтты, уым сæ бон кæй не суыдзæн хайад райсын, уый тыххæй фехъусынгæнинагыл.

Республикæ Хуссар Ирыстоны Фæсарæйнаг хъуыддæгты министрады комментарий

5 майы ГФР æмæ Гуырдзыстоны Фæсарæйнаг хъуыддæгты министрты фембæлды рæстæджы Франк Вальтер Штайнмаер радон хатт рахæцыдис «Гуырдзыстоны территориалон æнæхъæндзинады фарс» æмæ йæ æнæразыдзинад загъта Хуссар Ирыстон æмæ Уæрæсейы Федерацийы æмцæдисад æмæ интеграцийы фæдыл сразыдзинады бадзырдыл сæ къухтæ кæй æрфыстой, уый тыххæй. Гуырдзыстоны фарсхæцыны хъуыддаджы Германы позици ног нæу.